Author

Gilbert Perdez

DWIZ 882

Oras ng pagpaparehistro sa Comelec iniklian dahil sa mataas na bilang ng COVID-19 cases sa bansa

Iniklian ng Commission on Elections (Comelec) ang oras ng registration habang sinuspinde naman ang satellite operations simula ngayong araw, Marso 22.

Ginawa ng poll body ang desisyon matapos magpalabas ng memorandum circular ang Malacañang na nag-aatas sa lahat ng tanggapan ng gobyerno na magtalaga ng skeleton workforce na may 30% hanggang 50% na operational capacity hanggang Abril 4 upang mapigilan ang pagkalat ng virus.

Sa isang kalatas, binanggit ng Comelec na tatanggap ito ng mga applications for registration mula Lunes hanggang Huwebes, bandang alas-8:00 ng umaga hanggang alas-3:00 ng hapon.

Gayunman, nilinaw ng ahensya na maglalabas ito ng voter’s certification hanggang alas-5:00 ng hapon.

March 21, 2021 0 comment

NATIONAL NEWS RONDA PROBINSYA

Dredging sa Bicol River, bamboo planting activity sisimulan na

written by Gilbert Perdez

Aarangkada na ang pagpapalalim o dredging ng Bicol River sa Marso 23.

Maliban dito, ayon kay Department of Environment and Natural Resources (DENR) Secretary Roy Cimatu, magkakaroon din ng bamboo planting activity bilang bahagi ng mas pinaigting na rehabilitation efforts sa nasabing ilog.

Ililipat naman sa isang resettlement area ang mga informal settlers na naapektuhan ng pagbaha sa Bicol River sa pananalasa ng mga bagyong Ulysses at Rolly noong 2020.

Sinasabing itatambak sa mas malawak na parte ng 94 ektaryang ilog ang mahuhukay na sand materials (pulong buhangin) sa lugar.

Samantala, nangako ang DENR na tatapusin nito ang proyekto bago matapos ang termino ni Pangulong Rodrigo Duterte.

March 21, 2021 0 comment

NATIONAL NEWS

Isang parish priest ng San Agustin Church sa Intramuros nasawi dahil sa COVID-19

written by Gilbert Perdez

Patay ang isang parish priest ng San Agustin Church sa Intramuros, Maynila matapos tamaan ng COVID-19.

Ayon sa Catholic Bishops’ Conference of the Philippines (CBCP), si Fr. Arnold Sta. Maria Cañoza ay iginupo ng nasabing sakit sa edad na 45.

Dahil dito, agad na isinailalim sa lockdown ang San Agustin Church.

Samantala, naka-lockdown din ang Caritas Manila sa Pandacan mula Marso 20 hanggang Marso 28 upang bigyang daan ang malawakang disinfection.

March 21, 2021 0 comment

NATIONAL NEWS

Dalawang opisyal ng Simbahang Katolika tinamaan ng COVID-19

written by Gilbert Perdez

Nagpositibo sa coronavirus disease 2019 (COVID-19) ang dalawang opisyal ng simbahan.

Ayon sa ulat, kasalukuyang nagpapagaling sina Lipa Archbishop Gilbert Garcera at Caritas Manila Executive Director Fr. Anton Pascual.

Nagpasalamat naman si Garcera sa lahat ng mga nananalangin para sa kanyang agarang paggaling.

Si Fr. Pascual naman ay nakaratay sa Cardinal Santos Medical Center sa San Juan City dahil pa rin sa impeksiyon.

March 21, 2021 0 comment

HEADLINES NATIONAL NEWS

Mga simbahan ng dioceses ng Novaliches, Cubao pansamantala munang isasara

written by Gilbert Perdez

Sarado muna ang mga simbahang sakop ng mga dioceses ng Novaliches at Cubao simula ngayong araw bunsod nang patuloy na pagtaas ng COVID-19 cases sa bansa.

Ayon kay Novaliches Bishop Roberto Gaa, ang hakbang ay ginawa nila matapos makipagpulong sa mga kinatawan ng lokal na pamahalaan.

Sinabi naman ni Bishop of Cubao Rev. Honesto Ongtioco na magpapatupad din sila ng katulad na hakbang ngunit muling bubuksan ang kanilang mga simbahan sa Abril 5 (Easter Monday) habang magbabalik-operasyon naman ang diocese of Novaliches sa Abril 4.

Dahil dito, lahat ng church activities sa nasabing panahon ay isasagawa sa pamamagitan ng livestream sa kanilang official Facebook pages.

March 21, 2021 0 comment

NATIONAL NEWS

Panelo hinamon si Lacson na tumulong sa gobyerno ukol sa COVID-19 vaccine

written by Gilbert Perdez

Hinamon ni Chief Presidential Legal Counsel Salvador Panelo si Sen. Panfilo “Ping” Lacson na tumulong sa gobyerno sa paghahanap ng solusyon sa pagkakaantala ng delivery ng bakuna kontra COVID-19.

Ginawa ni Panelo ang pahayag matapos batikusin ni Lacson ang administrasyon bunsod ng aniya’y mabagal na procurement ng vaccines kahit may nakalaan nang pondo para rito na aabot sa P126.75-B.

Giit ni Panelo, gustuhin man ng pamahalaan ay hindi aniya maaaring apurahin ang pagbili ng bakuna dahil nagkakaroon na ng kakulangan ng suplay nito sa buong mundo.

Maliban dito, wala rin aniyang kontrol ang gobyerno sa pasya ng mga pharmaceutical companies kung kailan ide-deliver ang bakuna lalo pa’t mas inuuna ng mga ito ang mga mayayamang bansa.

March 21, 2021 0 comment

HEADLINES HOT STORIES OF THE WEEK NATIONAL NEWS RONDA PROBINSYA

GCQ sa NCR, Bulacan, Cavite, Laguna, Rizal tatagal hanggang April 4

written by Gilbert Perdez

Inaprubahan ni Pangulong Rodrigo Duterte ang rekomendasyon ng Inter-Agency Task Force (IATF) na ilagay muli sa ilalim ng General Community Quarantine (GCQ) ang Metro Manila at apat pang karatig nitong lalawigan simula bukas hanggang Abril 4.

Ayon kay Presidential spokesman Harry Roque, ipinag-utos din ang pagpapatupad ng karagdagang mga restrictions sa NCR, Bulacan, Cavite, Laguna, at Rizal bunsod ng paglaganap ng COVID-19.

Batay sa Resolution No. 104 ng task force, tanging ang mga essential travels lamang sa mga nasabing lugar ang papayagan habang mananatili naman ang public transportation.

Ipinagbabawal naman ang mass gatherings, kabilang ang religious events, at maging ang pagdaraos ng face-to-face meetings.

Limitado lamang sa sampung indibidwal ang maaaring dumalo sa kasal, binyag, at funeral services.

Ayon sa IATF, ang mga dine-in restaurants, cafe at iba pang establisimyento ay dapat limitado ang mga serbisyo sa delivery at take-out habang papayagan lamang ang outdoor o al fresco dining kung may maayos na engineering at administrative controls sa lugar.

Maliban dito, bawal munang bumisita sa mga kamag-anak habang pinapayuhan ang lahat ng mga mamamayan sa mga nabanggit na lugar na ugaliing magsuot ng facemask kahit nasa loob ng bahay, lalo na ang matatanda at mga bantad sa sakit.

March 21, 2021 0 comment

INTERNATIONAL NEWS

Congo Presidential candidate tinamaan ng COVID-19

written by Gilbert Perdez

Bagama’t nangunguna si Guy Brice Parfait Kolélas sa halalang pampanguluhan sa Republic of Congo, isang masamang balita naman ang bumungad sa mga botante.

Ito’y makaraang tamaan ng COVID-19 ang opposition candidate kung saan kasalukuyan itong naka-oxygen sa isang ospital na nangyari ilang oras matapos itong bumoto.

Matatandaang hindi dumalo si Kolelas sa huling araw ng kampanya at sinasabing inamin nito sa kanyang mga tagasuporta na maaaring tinamaan siya ng malarya.

Nabatid na ang 61 anyos na kandidato ay may sakit na diabetes kaya’t lantad ito sa mga komplikasyong dulot ng coronavirus.

March 21, 2021 0 comment

HEADLINES NATIONAL NEWS RONDA PROBINSYA

Kaso ng B.1.1.7 COVID-19 variant, mutations nadiskubre sa Caraga Region

written by Gilbert Perdez

Nagkaroon na ng B.1.1.7 COVID variant at mutations sa Caraga Region.

Ito ang kinumpirma ng Department of Health Caraga matapos umanong magpositibo sa bagong variant ang isang residente habang dalawang mutations naman ang isinasailalim sa imbestigasyon.

Ayon kay DOH regional director Cesar Cassion, ito’y batay sa isinumiteng samples sa Philippine Genome Center (PGC).

Sinasabing mula sa isang returning overseas Filipino na taga-Bislig City, Surigao del Sur ang nagpositibong B.1.1.7 variant habang ang sinusuri pang mutations ay galing sa mga residente ng Bislig at Buenavista sa lalawigan ng Agusan del Norte.

March 20, 2021 0 comment

RONDA PROBINSYA

Isang jail warden patay sa Misamis Oriental

written by Gilbert Perdez

Patay ang isang jail warden habang sugatan naman ang isa pa dahil sa aksidente sa Barangay Poblacion, bayan ng Maticao sa Misamis Oriental.

Kinilala ang biktima na si Senior Inspector Marlon Castelo, jail warden ng Iligan City kung saan sugatan naman si Allan Companion na driver naman ng nakabanggaang sasakyan ng opisyal.

Sa imbestigasyon, papunta ng Iligan mula Cagayan de Oro si Castelo at tinatahak ang national highway nang sumalpok ito sa kasalubong na refrigerated truck matapos umanong lumipat ng linya.

Parehong nayupi ang harapang bahagi ng dalawang behikulo sa dahil sa sobrang lakas ng impact.

Wala pang pahayag ang Bureau of Jail Management and Penology o BJMP kaugnay ng nasabing aksidente.

March 20, 2021 0 comment

Newer Posts

Older Posts