Nasakote na ng mga awtoridad ang tatlong suspek sa pagpatay sa isang transgender man sa lungsod ng Quezon.
Kinilala ng Quezon City Police District ang mga suspek na sina Zander dela Cruz, Joel Loyola at Richard Elvin Araza.
Matatandaang nadiskubre ang bangkay ng 22 taong gulang na si Norriebi Tria o kilala sa pangalang Ebeng Mayor sa isang bakanteng lote sa Barangay Bagong Silangan.
Mahaharap ang mga suspek sa ksaong robbery at rape with homicide.
Sumirit na sa 1,179,812 ang bilang ng mga tinamaan ng COVID-19 sa Pilipinas.
Ito’y makaraang makapagtala ang Department of Health (DOH) ng 3,083 na bagong kumpirmadong kaso.
Ayon sa DOH, umakyat naman sa 1,109,226 ang bilang ng mga gumaling matapos makapagtala ng 6,756 na recoveries.
Sa kasalukuyan, nasa 50,635 na ang mga aktibong kaso.
Nadagdagan naman ng 38 ang bilang ng mga nasawi kaya’t sumampa na sa 19,951 ang death toll sa buong kapuluan.
JUST IN: Kaso ng COVID-19 sa bansa, nadagdagan pa ng 3,083 ngayong Linggo, May 23.
Pumalo na sa kabuuang 1,179,812 ang bilang ng kumpirmadong kaso ng COVID-19 sa bansa. Mayroon namang 50,635 naitalang active cases. | https://t.co/HHOy7zaafm pic.twitter.com/XbkuYuaehv
— DWIZ Newscenter (@dwiz882) May 23, 2021
Nagbunyi ang mga health workers sa Chinese General Hospital and Medical Center matapos gumaling sa COVID-19 ang isa sa kanilang mga pasyente na 99 taong gulang.
Ayon sa pamunuan ng ospital, si Donata Dimayacyac ay nakaligtas sa impeksiyon sa kabila ng pagkakaroon nito ng dementia at diabetes.
Agad namang sinalubong si Dimayacyac ng kanyang pamilya at maging ng mga doktor sa kanyang paglabas ng ospital.
Biglang sumabog ang isang bulkan sa Democratic Republic of Congo dahilan upang lumikas ang libo-libong mga residente sa lungsod ng Goma na siyang pinakamalapit sa lugar.
Nasaksihan naman ang pagragasa ng lava mula sa Mount Nyiragongo malapit sa paliparan.
Huling sumabog ang nasabing bulkan noon pang 2002 kung saan 250 katao ang nasawi habang 120,000 naman ang nawalan ng tirahan.
Agad namang pinutol ni President Felix Tshisekedi ang kanyang biyahe patungong Europe at nagpasyang bumalik ng Congo dulot ng nasabing sakuna.
Inilampaso ng Portland Trail Blazers ang Denver Nuggets 123-109 sa Game 1 ng kanilang Western Conference first-round series.
Si Damian Lillard ang nanguna sa kanilang koponan sa pamamagitan ng kanyang 34 points at 13 assists habang nagdagdag si CJ McCollum ng 21 points.
Samantala, sa Game 1 naman ng Eastern Conference first-round playoff series, nanalo ang Brooklyn Nets laban sa Boston Celtics sa score na 104-93.
Hindi na ibabalik pa ang tradisyunal na face-to-face classes.
Ayon kay Commission on Higher Education (CHED) Chairman Prospero De Vera, simula kasi ngayon ay gagawin ng pamantayan ang flexible learning, at pinagtibay na rin aniya ng ched ang polisya para sa flexible learning sa susunod na academic school year 2021-2022.
Sinabi ni De Vera, isa kasi sa naging kunsiderasyon nila sa nasabing bagong polisiya ay dahil sa mga sentimyento ng mga educational stakeholders sakaling muling magkaroon ng panibagong pandemya.
Bukod dito, isa rin aniya sa kanilang naging basehan ay ang naging investment at adjustment sa teknolohiya, training ng mga guro, pati na ang retrofitting ng mga pasilidad upang makapagsagawa lamang ng flexible online classes dahil sa COVID-19 pandemic.
Dagdag pa ni De Vera, dahil sa ipatutupad na polisiyang ito ay magpapatupad ang mga unibersidad at mga pribadong paaralan ng flexible learning methods na angkop sa kanilang sitwasyon.
Matatandaang ipinatupad ang online classes sa bansa dahil sa COVID-19 pandemic.
Matinding body transformation ang nangyari sa aktor na si Janus del Prado na nagpahanga sa maraming netizens.
Ito’y makaraang mabawasan ng aabot sa 60 pounds ang timbang ni del Prado.
Sa kanyang Instagram account, isiniwalat ni del Prado na mula sa 210lbs ay bumagsak ang kanyang timbang sa 150lbs.
Dahil dito, maraming netizens ang na-inspire at natuwa sa achievement o fitness journey ni del Prado kung saan pati ang aktres na si Judy Ann Santos at ang mister na si Ryan Agoncillo ay bumilib din sa aktor.
Pasok na sa 2021 Tokyo Olympics si Filipino jin Kurt Barbosa.
Ito’y makaraang masungkit ni Barbosa ang come-from-behind win sa semifinals ng men’s 58kg event ng 2021 Asian Taekwondo Olympic Qualification tournament sa Amman, Jordan.
Kahit mas maliit ay pinadapa ni Barbosa ang local bet na si Zaid Al-Halawani sa score na 50-49 sa third round.
Una rito, tinalo rin ng Pinoy si Molom Tumenbayar ng Mongolia na naging dahilan para makapasok siya sa semis.
Dinumog ng mga residente ang inilatag na Modified Community Pantry ng isang religious group sa Caloocan City.
Pahayag ni Pastor Menre Mendillo ng Sandmeier United Methodist Church, nais lang nilang makatulong sa publiko ngayong pandemya kung saan kahit mula sa ibang relihiyon ay bukas ang kanilang pantry.
Karamihan ang mga pinamahagi ng grupo ay bigas, grocery items, ube pandesal, kape, itlog, gulay at iba pa.
Ayon kay Mendillo, plano rin nilang magsagawa ng katulad na programa sa susunod na linggo.
Nakumpiska ng awtoridad ang P930,000 halaga ng hinihinalang cannabis substances mula sa dalawang drug suspects sa entrapment operation sa Baliuag, Bulacan.
Kinilala ang mga suspek na sina alyas Sho at alyas Ela, kapwa nakatira sa Pasig City.
Ayon sa Philippine Drug Enforcement Agency (PDEA) at pulisya, anim na kilo ng umano’y pinatuyong marijuana leaves, tatlumpung pirasong vape cartridge na may lamang marijuana oil, at boodle money ang nasabat sa operasyon.
Kasong paglabag sa Republic Act 9165 o Comprehensive Dangerous Drugs Act ang isasampa laban sa mga suspek.