TINAMAAN ng COVID-19 ang alamat ng boxing na si Oscar De La Hoya.
Dahil dito, umatras ang 48-anyos na boksingero sa kanyang laban kay dating UFC champion Vitor Belfort sa Los Angeles sa susunod na linggo.
Ang kanilang bakbakan ni Belfort ay unang sabak sana ni Dela Hoya sa ring mula nang magretiro ito noong 2008.
Aminado naman si De La Hoya na bakunado o fully vaccinated siya, kaya’t nagtataka ang Mexican legend kung bakit siya dinapuan ng nasabing impeksiyon.
Binatikos ng ilang militanteng grupo ang umano’y mga pakulo ng administrasyong Duterte na layong ilihis ang tunay na isyu ukol sa palpak na COVID-19 response ng gobyerno.
Giit ni Bayan Muna Rep. Ferdinand Gaite, malinaw na isang political show at political circus lamang ang ginagawang pag-iingay ng kampo ni Pangulong Rodrigo Duterte para sa halalan 2022.
Pilit aniyang pinapalutang ng PDP-Laban ang Sen. Bong Go-President Duterte tandem, tambalang Inday Sara-Digong, at maging ang pag-aaway ng mag-ama sa media.
Binigyang diin ni Gaite na anuman ang nilulutong formula ng mga Duterte para sa darating na halalan ay tiyak na ibabasura ito ng mga Pinoy.
Samantala, ayon naman kay Anakpawis Partylist National President at dating Cong. Ariel Casilao, kahit pa magbigay-daan si Pangulong Duterte sa Davao City mayor ay malabo rin itong kagatin ng mga botante.
Tinatayang 30 sundalo ang nasawi habang sugatan naman ang 60 iba pa sa pambobomba ng mga Houthi Rebels sa isang military base ng Saudi-Led Coalition Forces sa Yemen.
Ayon sa militar, gumamit ng armed drones at ballistic missiles ang mga kalaban sa kanilang pag-atake sa Al-Anad Military Base sa probinsya ng Lahij.
Sa imbestigayson, nasa training area ang mga sundalo at nagsasagawa ng morning exercises nang bagsakan ng bomba ang mga ito.
Wala pang inilalabas na pahayag ang Houthi Rebels ukol sa naturang pag-atake.
Nangako ang Chinese General Hospital & Medical Center sa Maynila na ibibigay na nito sa mga health workers ang kanilang Special Risk Allowance (SRA) ngayong linggo.
Ayon kay Medical Director Dr. Samuel Ang, natanggap na kasi ng kanilang ospital ang P21-M na pondo mula sa Department of Health (DOH).
Itinanggi naman ng unyon ng mga manggagawa sa nasabing ospital na lalahok sila sa mass walkout ng mga private health workers kasabay ng National Heroes’ Day ngayong araw.
Aarangkada na simula ngayong araw ang nilulutong Nationwide Mass Walkouts ng mga health workers dulot ng naiipit nilang mga benepisyo mula sa gobyerno.
Ayon kay alliance of Health Workers (AHW) President Robert Mendoza, ang malawakang pagkilos ay kasunod ng protest actions nila noong nakaraang linggo sa Jose Reyes Memorial Medical Center, Philippine General Hospital, Tondo Medical Center at National Center for Mental Health.
Magsisimula aniya ang mass protest bandang alas-9 ng umaga na lalahukan ng sampung pribadong ospital, kabilang ang Chinese General Hospital sa Maynila.
SUMIRIT na sa 1,789 ang kabuuang bilang ng mga na-detect na COVID-19 Delta variant sa bansa.
Ito’y dahil sa 516 na karagdagang kaso na naitala ng Department of Health o DOH. Bukod dito, ayon sa DOH, nakapagtala rin ito ng mga kaso ng Alpha variant (73), Beta variant (81), at Theta variant (41) kasunod na rin ng sequencing report mula sa Philippine Genome Center o PGC at UP-National Institutes of Health.
NAKAPAGTALA ang Department of Health o DOH ng halos 18,000 na bagong COVID-19 recoveries (17,922).
Dahil dito, ayon sa DOH, umakyat na sa higit 1.7 milyon ang bilang ng mga gumaling sa sakit sa buong bansa.
Batay sa pinakabagong case bulletin, binanggit ng ahensya na nagkaroon ng 18,528 na bagong kaso kaya’t sumampa na sa mahigit 1.7 milyon ang total cases.
Samantala, sumampa naman sa 33,109 ang death toll kasunod ng pagpanaw ng 101 pasyente.
Balak ni Filipino boxer Mark “Magnifico” Magsayo na sumampa muli ng ring ngayong taon.
Ang 26 taong gulang na si Magsayo ay naging No. 1 contender para sa WBC featherweight championship na kasalukuyang hawak ni Gary Russell Jr. matapos patulugin ang Mehikanong si Julio Ceja.
Ang laban nina Ceja at Magsayo ay bahagi ng Manny Pacquiao-Yordenis Ugas undercard kung saan nakabawi ang Pinoy mula sa fifth round knockdown at pinatumba ang Mexican boxer sa ika-sampung round.
Dahil sa panalong iyon, wala pa ring talo si Magsayo sa kanyang dalawampu’t tatlong laban.
Pumayag na ang Manchester United sa inilatag na deal ng juventus para palagdain muli si Cristiano Ronaldo.
Ito ang inanunsiyo ng Premier League Club kung saan kasama sa kasunduan ang personal terms, visa at medical.
Dahil dito, ang portugal forward ay babalik na sa kanyang dating club kung saan nanalo ito ng walong major trophies mula 2003 hanggang 2009.
Wala pang inilalabas na financial details ukol sa deal pero isiniwalat ng British at Italian media na ang dalawang taong kontrata ni Ronaldo sa United ay nagkakahalaga ng 25 million euros.
Inamin ng aktor na si Ryan Bang na nami-miss na niya ang kaniyang mga magulang.
Katunayan, ayon sa Korean host at comedian, nais na niyang makasamang kumain ang mga ito.
Sa isang bahagi ng “Reina ng Tahanan” segment, tinanong kasi si bang kung ano ang mensahe niya para sa kanyang mga parents.
Matatandaang kamakailan ay inamin din ni Ryan na kahit nasa Pilipinas siya ay tuloy ang pagpapadala niya ng pera sa kanyang nanay sa Korea.