Rumampa si Heart Evangelista sa Paris Fashion Week 2020-2021 sa France.
Inimbitahan si Heart ng ilang brands na kabahgi ng naturang fashion week.
Ayon kay Heart, naroon siya para i- cover ang event at i-feature sila sa kanyang youtube channel.
Sa kanyang pagrampa, isinuot niya ang mga mamahaling outfit at accessories ngunit napabilib ang marami dahil sinamahan ito ni Heart ng isang headband na nabili niya sa Quiapo sa halagang P70.
Nais ng East Timor Prime Minister na magbitiw na sa pwesto matapos na hindi pumasa sa parliament ang national budget ng bansa.
Ayon kay Prime Minister Taur Matan Ruak, magpapatuloy siya sa kanyang posisyon habang hindi pa tinanggap ng Pangulo ang kanyang pagbibitiw.
Una nang nahati ang coalition government na pinangungunahan ng Prime Minister dahil sa pagharang ng oposisyon at government parties sa 2020 budget.
Pansamantalang ipinasara ang isang slaughter house sa Daraga, Albay bilang bahagi ng pag-iingat laban sa African Swine Fever (ASF).
Ayon kay provincial veterinary services officer in charge Pancho Mella, ito ay matapos na makatanggap ng ulat na apat na baboy ang dumating malapit sa katayan mula sa Bombon, Camarines Sur.
Una nang kinumpirma ni Department of Agriculture (DA) na 23 mga baboy ang infected ng ASF sa Bombon.
Bagama’t negatibo naman sa asf ang mga nakumpiskang baboy ay ibinaon pa rin ang mga ito at ipinasara para linisin ang katayan bilang pag-iingat.
Pansamantalang isinara sa publiko ang Mt. Pulag matapos na masunog ang ilang bahagi nito sa Kabayan, Benguet.
Ayon kay Kabayan Mayor Faustino Aquisan, layon nitong masigurong ligtas ang mga trekker na dumadayo sa naturang bundok.
Isinarado na ang akiki trail noon pang linggo dahil sa matinding usok at sunog ng forest fire.
Bukod sa sunog sa nasabing bahagi, isa pang sunog ang naitala sa 150 ektaryang kagubatan sa Bayan ng Kibungan.
Nakaalis na ang eroplanong susundo sa mga Pilipinong nasa Diamond Princess cruise ship sa Japan.
ATM: First repatriation flight for Diamond Princess Filipino crew left NAIA @ 11:00am together w/ @DFAPHL’s Rapid Response Team . ETA Haneda @ 4:27pm. Game on!! #DFAinACTION pic.twitter.com/esks2yrKqK
— Dodo Dulay (@dododulay) February 25, 2020
Inaasahang lalapag sa Tokyo Airport ang eroplano mamayang alas-4:27 ng hapon.
Samantala, pinangunahan ng Department of Foreign Affairs (DFA) officials ang pagbaba ng mahigit sa 400 Pilipino sa Diamond Princess kung saan sasakay sila ng bus patungo ng Tokyo Airport.
Kumikilos na ang China upang mapatigil ang cybercrimes na ginagawa ng mga Chinese nationals sa ibang mga bansa kabilang ang sa Pilipinas.
Sa statement ng Chinese Embassy, mayroon na umanong hawak na listahan ang Ministry of Public Security ng mga Chinese nationals na hinihinalang sangkot sa long telecom fraud.
Ayon sa Chinese Embassy, ang mga taong mga nasa listahan ay hindi dapat nakalalabas ng China.
Ang crackdown ng China ay nag-ugat sa ulat na libu-libong Chinese nationals ang illegal na nagta-trabaho sa Philippine Offshore Gaming Operators (POGO).
Nagpahayag ng kahandaan ang China na makipagtulungan sa Pilipinas upang mabuwag ang POGO at illegal na gawain nito.
Plano di umano ng Australian parliament na sundan ang Magnitsky Act ng Estados Unidos na nagbabawal sa mga human rights violators ni Senador Leila De Lima na makaapak sa Estados Unidos.
Ayon kay Atty. Philip Sawali, chief of staff ni De Lima, may mga miyembro ng Australian parliament na nakipag-ugnayan sa senador.
Nais anya nilang malaman ang opinyon ni De Lima hinggil sa Magnitsky Act bilang biktima at global justice champion.
Mayroon nang sariling bersyon ng Magnitsky Act ang Canada, United Kingdom, Lithuania, Latvia at Estonia, samantalang isinusulong rin ang kahalintulad na hakbang sa Ukraine at European union.
Nagpaalala ang simbahan ng Quiapo sa bagong guidelines sa paggunita ng Ash Wednesday, bukas, ika-26 ng Pebrero.
Sa ilalim ng bagong guidelines, hindi na ipapahid sa noo ang abo kundi ibubudbod ng bahagya sa ulo o sa bahagi ng bumbunan.
Ipinabatid rin ng simbahan ng Quiapo na magkakaroon ng misa kada oras mula alas-5 ng madaling araw hanggang alas-12:15 at alas-3 ng hapon hanggang alas-7 ng umaga.
Ang Ash Wednesday ang hudyat ng pagsisimula ng kwaresma na tatagal ng 40-araw.
Nagpaalala ang simbahan na sa panahon ng kwaresma ay inoobserbahan ang pangungumpisal, pagkakawanggawa, pagbabawas ng pagkain, pagdarasal at penitensya. —ulat mula kay Aya Yupangco (Patrol 5)
Naging simple ang selebrasyon ng ika-34 na anibersaryo ng EDSA People Power Revolution.
Isang simpleng flag raising ceremony lamang ang isinagawa sa EDSA People Power monument na dinaluhan ng iba’t ibang sektor at mga tauhan ng ilang ahensya ng pamahalaan.
PANOORIN: Mga kawani ng gobyerno, nakiisa sa pagdiriwang ng ika-34 na anibersaryo ng EDSA People Power #EDSA34 | via @jaymarkdagala pic.twitter.com/hb9a6BEhPe
— DWIZ Newscenter (@dwiz882) February 25, 2020
Naging tema ng pagdiriwang ng EDSA 2020 ang “Kapayapaan ng Bayan, Simbolo ng Kalayaang Ipinaglaban”.
Samantala, inasahan na ng National Historical Commission ang maliit na bilang ng mga dumalo sa selebrasyon dahil sa 2019 coronavirus disease (COVID-19) scare.
Sa isang isolated na isla inilagay sa quarantine ang mga Indonesian nationals na crew ng MV World Dream cruise ship na una nang pinigil sa Hong Kong dahil sa 2019 coronavirus disease (COVID-19).
Sinundo na ng kanilang naval hospital ship ang may 188 Indonesians upang dalhin sa Sebaru Island – isang uninhibited island pero may mga pasilidad.
Matatandaan na na-quarantine sa Kai Tak Cruise Terminal sa Hong Kong ang MV World Dream matapos magpositibo sa COVID-19 ang tatlong Chinese nationals na sakay nito.
Sa kabuuan, 600 sakay ng barko ang nagpositibo sa COVID-19 –78 rito ang Indonesian nationals.