DWIZ 882

Mayorya ng mga Pilipino ang kuntento sa pagganap sa tungkulin nina Vice President Leni Robredo, Senate President Vicente Sotto III, House Speaker Alan Peter Cayetano at Chief Justice Diosdado Peralta.

Batay ito sa isinagawang survey ng Social Weather Stations (SWS) sa may 1,200 adult respondents sa buong bansa simula December 13 hanggang December 16 noong nakaraang taon.

Lumabas sa SWS survey, 59% ng mga Pilipino ang nasisiyasahan sa performance ni VP Robredo habang 23% naman ang nagsabing hindi sila nasisiyahan.

Dahil dito, nakakuha ang pangalawang pangulo ng +36 o katumbas ng “good” net satisfaction rating nitong Disyembre ng 2019 –tatlong puntos na mas mataas sa nakuha nitong +33 noong Setyembre nang nakaraang taon.

Naitala naman ang +62 o katumbas ng “very good” net satisfaction rating para kay Sotto matapos lumabas sa survey na 73% ng mga Pilipino ang kuntento sa performance ng senate president at 10% ang hindi nasisiyahan.

Nakakuha rin ng “very good” si Cayetano matapos umakyat sa +53 ang kanyang net satisfaction rating nitong huling bahagi ng 2019.

67% ng mga Pilipino ang nagsabing nasisiyahan sila sa pagganap ni Cayetano sa kanyang tungkulin at 15% ang hindi nasisiyahan.

Samantala, +21 o katumbas ng “moderate” ang unang nakuhang net satisfaction rating ni CJ Peralta kung saan 40% ng mga Pilipino ang nagsabing kuntento sila sa performance nito, habang 19% ang hindi.

Binigyan pa ng pagkakataon ni Pangulong Rodrigo Duterte si Immigration Commissioner Jaime Morente na linisin ang hinahawakan nitong ahensiya.

Ito ang inihayag ni Presidential Spokesperson Salvador Panelo sa harap ng mga isinasagawang imbestigasyon hinggil sa tinaguriang “pastillas scheme” sa Bureau of Iimmigration (BI).

Ayon kay Panelo, dumalo sa cabinet meeting sa Malacañang si Morente noong Lunes ng gabi at inuulat nito ang ginagawang hakbang ng BI para matugunan ang mga umano’y ilegal na gawain sa ahensiya.

Sinabi ni Panelo, binigyan pa ng tsansa ng pangulo si Morente para magpatupad ng mga pagbabago sa loob ng BI.

Magugunitang sinibak ni Pangulong Duterte sa puwesto ang nasa 19 na mga opisyal ng BI na sinasabing sangkot sa “pastillas scheme” at inilagay sa “floating status”.

Isinasapinal na lamang ni Pangulong Rodrigo Duterte ang listahan ng mga tauhan ng Bureau of Immigration na sisibakin sa pwesto.

Ito’y matapos mabunyag ang “pastillas scheme” kung saan tumatanggap ng lagay mula sa mga Chinese ang mga tiwaling kawani ng ahensya para madaling makapasok ang mga ito sa bansa at makapag trabaho sa Philippine Offshore Gaming Operators (POGO).

Ayon sa Pangulo hindi siya nawawalan ng sinisibak sa pwesto dahil sa pagkakasangkot ng mga ito sa kurapsyon.

Inamin din ng Pangulo na ilan sa mga tiwaling tauhan ng ahensya ay kaniya pa naman ka-brad sa fraternity.

Gayunman hindi umano ito dahilan para siya ay magbulag-bulagan sa mga iregularidad na nangyayari sa ahensya.

Almost Everday may pinapaalis ako na tao , sinesekreto ko nalang  na umalis ka nalang. Today I think I completely list of an official that I might to fire to dismissed from the BID. Sa Bureau of Immigration. Ayaw ko kasi  yung iba kilala ko kaya lang iba ko mga brad ko yung iba where with me in  1988 when I first run for the  Mayorship’’, ani Duterte.

Isang health education campaign ang balak ilunsad sa mga paaralan sa CALABARZON ng Department of Health (DOH).

Ayon kay DOH CALABARZON Regional Dir. Eduardo Janairo, layon ng kampanya na maghatid sa mga mag-aaral at guro ng sapat na kaalaman at impormasyon hinggil sa coronavirus disease (COVID-19).

Ani Janairo, wala pang naitatalang kaso ng COVID-19 sa Calabarzon, ngunit mas mabuti na aniyang makapagbigay ngayon pa lamang ng impormasyon hinggil sa COVID-19.

Kabilang dito aniya ang mga impormasyon kung paano ito nagsimula, ano-ano ang sintomas, paano ito naikakalat, kumplikasyong dulot nito at kung paano ito maiiwasan.

Pormal na kinasuhan ng pamahalaang lokal ng Quezon City sa Office of the Ombudsman si dating Mayor Herbert Bautista at dalawa pang opisyal.

Ito’y kaugnay sa ‘di otorisidong pagbili umano ng solar power system and waterproofing na nagkakahalaga ng P25-M na ilalagay sa itinatayong bagong gusali sa loob ng compound ng City Hall sa lungsod.

Batay sa reklamong inihain ni Atty. Carlo Lopez Austria, City Legal Department ng lungsod, hindi inaprubahan ng konseho ang paglalagay waterproofing sa roof deck ng civic building F.

Lumalabas na inaprubahan ni Bautista ang pagpapalabas ng nasabing halaga ng pondo kahit pa nabigo ang contractor na i-deliver ang mga kinakailangang materyales para sa nasabing proyekto.

Pinakakasuhan ng Office of the Ombudsman si Nayong Pilipino Foundation Inc. (NPFI) Chairman Patricia Yvette Desiongco.

Ito’y matapos mapatunayan na nakinabang sa libreng private jet transportation ang grupo ni Desiongco.

Nadiskubre ng Ombudsman na ginamit ito mula Setyembre 29, 2017 hanggang Oktubre 1, 2017  patungo at pabalik mula sa Jeju Island sa South Korea.

Bukod dito napag-alaman din na may libreng akomodasyon na nakapaloob sa Landing International Development Limited (LIDL).

Nangyari umano ang iregularidad sa kasagsagan ng negosasyon para sa kontrata ng Nayong Pilipino at LIDL.

Malinaw sa batas na mahigpit na ipinagbabawal sa mga pampublikong opisyal na mag-request at tumanggap ng regalo o pabor mula sa mga katransaksyon ng gobyerno.

Aabot sa 242 dayuhan na hinihinalang magta-trabaho sa bansa ang naharang ng Bureau of Immigration(BI) sa Ninoy Aquino International Airport (NAIA).

Ito kasunod ng pagkakatanggal sa lahat ng tauhan ng NAIA sa kanilang pwesto na sangkot sa umano’t pastillas scheme.

Ayon kay Fortunato Manahan Jr., Hepe ng B.I. Intelligence, napansin nila ang tangkang pagpasok ng mga hinihinalang illegal worker sa pamamagitan ng iba pang porty of entry sa pilipinas.

Ilan  umano sa naturang mga dayuhan ay mula sa cambodia, vietnam, indonesia, malaysia, chinese at myanmar.

Naharang ang mga ito mula sa February 21 hanggang 28.

Kaugnay nito, nagbanta naman si immigration Commissioner Jaime Morente na haharap sa kasong administratibo at kriminal ang mga mapapatunayang parte ng katiwalian sa ahensya.

Naglabas ng ebidensya si Sen. Richard Gordon kaugnay sa pagpasok ng napakaraming Chinese national sa Pilipinas.

Sa video post sa twitter, ipinakita ni Gordon ang kuha ng kaniyang crew na sumunod sa mga van at coaster na nagsisilbing transport vehicle ng mga Chinese POGO worker.

Makikita rito na sa unang bahay na hinintuan ng isang van bumaba ang nasa 12 Chinese national na naka-face mask at pumasok sa pinto.

Sa ikalawang bahay naman ay may pumasok na 19 na Chinese habang sa ikatlong bahay ang may pinakamaraming dumating.

Mayroon 21, 14 at 18 Chinese sa bawat paghatid ng mga coaster sa naturang bahay.

Ayon kay Gordon isang malinaw na paglabag ito sa batas dahil ang nasabing village ay nasa R1 category na ang ibig sabihin ay isang pamilya lamang dapat ang naninirahan sa isang bahay.

Nagkakaroon din umano ito ng implikasyon na hindi na ligtas ang naturang lugar dahil sa paiba-ibang nakatira dito na nagmistulang “multi-national village”.

Ipinagpaliban na ng Commission on Elections (COMELEC) ang testing o pagsubok ng Mobile Voting Application sa ilang lugar bansa.

Ito ay dahil pa rin sa banta ng Coronavirus Disease (COVID-19).

Ayon kay Comelec Commissioner Rowena Guanzon, kinansela muna ang planong testing ng Mobile Voting ApplicatiosSa Singapore, Hong Kong At Middle East na may mga positibong  kaso ng COVID-19.

Ani Guanzon napag-desisyunan ito ng en banc poll body bilang pag-Iingat na rin laban sa nasabing sakit.