DWIZ 882

Naniniwala si Pangulong Rodrigo Duterte na dapat ang susunod na magiging Presidente ng Pilipinas ay marunong pumatay at hindi takot mamatay.

Sa kaniyang talumpati sa mass oath taking ng mga bagong talagang opisyal, sinabi ng Pangulo na wala pang nakakapasa sa kaniyang panlasa para maging susunod na Presidente ng bansa.

Ayon sa Pangulo kapag hindi marunong pumatay ang isang pulitiko ay puro utos lamang ang gagawin nito kaya’t wala umanong mangyayari sa bansa.

We’re getting old and the young are there. Wala pa’kong nakita na new crop of politicians dito sa ating bayan. Frankly, wala akong nakita. Alam mo sa totoo lang, Presidente ka kapag ‘di ka marunong pumatay at takot ka mamatay, wag ka na mag-Presidente. Walang mangyari sa’yo, walang mangyari sa bayan kung puro utos ka lang in the end ikaw pa yung kontrabida,” ani Duterte.

Naniniwala si House Committee on Ways and Means Chairman Joey Salceda na posibleng mga sindakato ang nasa likod ng pagpasok sa bansa ng P28.6-B cash.

Ayon kay Salceda, maaaring sindikato ito na may kaugnayan sa illegal na droga, terorismo, money laundering at Philippine Offshore Gaming Operator (POGO).

Sinasabing ipinasok umano sa bansa ng Singapore group, Hong Kong group, Chinese groups at Rodriguez group na una nang pinangalanan ng Bureau of Customs (BOC).

Nagpahayag din ng pagkabahala ang mambabatas kaugnay sa ulat na binibigyang proteksyon pa umano o iniiskortan ng mga miyembro ng PNP, AFP at airport police department sa MIAA ang mga nasabing grupo.

Dagdag pa ni Salceda, pinapasok ng Bureau of Customs (BOC) ang nasabing halaga dahil idineklara ito para pampuhunan sa bansa.

Ngunit hindi umano alintana ng ahensya na ito ay napakalaking halaga.

Batay sa batas kailangan lamang ideklara ang halaga na sobra sa $10,000 bago ito maipasok sa isang bansa.

Lumiit na ang bilang ng mga nadadagdag ng kaso ng 2019 coronavirus disease (COVID-19) sa China.

Nitong Lunes, ika-2 ng Marso, umabot lamang sa 125 ang bago kasong naitala sa Mainland China –mas maliit kumpara sa mahigit 200 kada araw na kaso mula noong magsimula ang COVID-19 noong Enero.

Sa ngayon, umabot na sa 2,943 ang bilang ng nasawi sa China dahil sa COVID-19.

Binuweltahan ni dating Justice secretary Vitaliano Aguirre ang kolumnistang si Ramon Tulfo.

Kaugnay ito sa alegasyon ni Tulfo na sya ang utak sa “pastillas scheme” sa Bbureau of Customs (BOC) at idinedeliver sa pamamagitan ng helicopter ang kanyang parte sa Mulanay, Quezon.

Ayon kay Aguirre, napakarami nyang kalaban sa pulitika dahil sya ang lider ng Quezon chapter ng PDP-Laban kabilang na dito ang alkalde anya ng Mulanay.

Tahasang sinabi ni Aguirre na ang alkalde ng Mulanay mismo ang taga-suplay ng anya’y mga kasinungalingan kay Tulfo.

Kasabay nito, itinuro ni Aguirre si dating Tourism secretary Wanda Teo, kapatd ni Tulfo, na kabilang sa mga nagsulong sa visa-upon-arrival para sa mga Chinese nationals.

Naging makulit anya si Teo sa tuwing magkikita sila sa cabinet meetings para palagdain sya sa isang circular kung saan pinapayagan ang visa-upon-arrival para sa Chinese nationals.

Iginiit ni Aguirre na handa syang humarap at magpaliwanag sa senado kahit pa harap-harapan sila ni Tulfo.

Nanganganib mawalan ng lisensya ang security agency ng security guard na nanghostage sa San Juan City.

Ayon kay Brig. Gen. Bernard Banac, spokesman ng Philippine National Police (PNP), ito ay kapag napatunayang may basehan ang mga akusasyon ni Archie Paray na unfair labor practices.

Wala tayong pinangako na hindi sya kakasuhan. Bibigyan sya ng pagkakataon na magpahayag sya ng saloobin sa isang press conference, at ito ay naisagawa naman. Sya po ay nakapiit ngayon. Magkakaroon tayo ng inquest proceeding ngayong raw na ito para madala sya sa korte,” ani Banac.

Kasabay nito, ipinaliwanag ni Banac na isang istratehiya ang pagpapaharap kay Paray sa isang press conference upang mapayapa itong makuha ng mga pulis.

Si Paray ay nahaharap sa kasong frustrated murder, illegal possession of firearms at illegal detention.

Ngayon ay kakaharapin nya ang patung-patong na kaso at mga violations na kanyang ginawa,” ani Banac. —sa panayam ng Ratsada Balita

Naglabas ng statement of support ang Hugpong ng Pagbabago para kay Cong. Isidro Ungab, ang pinatalsik na chairman ng House Committee on Appropriations.

Kinundena ng Hugpong ng Pagbabago na pinamumunuan ni Davao City Mayor Sara Duterte ang biglaang pagtanggal kay Ungab na anila’y naging mabuting sundalo kay Pangulong Rodrigo Duterte dahil sa pagganap sa kanyang tungkulin.

Binigyang diin ng Hugpong na hindi katanggap-tanggap ang pagsibak kay Ungab bilang chairman ng Appropriations Committee dahil tiyak na apektado rito ang reform agenda ng Duterte Administration para sa sambayanang Pilipino.

Matatandaan na si Ungab ang manok noon ng magkapatid na Sara at Cong. Paolo Duterte para maging house speaker.

Tinamaan ng balasahan sa kamara si Ungab sa harap ng di umano’y planong kudeta laban kay House Speaker Alan Peter Cayetano.

Dapat maging handa ang Pilipinas sa panibagong global financial crisis na tulad ng nangyari noong 2008.

Pahayag ito ni Albay Congressman Joey Salceda sa harap ng bangayan at balasahan na umiiral ngayon sa House of Representatives.

Pagkakaisa anya ang kailangan ngayon ng Pilipinas upang hindi tayo gaanong masaktan sa sandaling maramdaman ang financial crisis dahil sa 2019 coronavirus disease (COVID-19).

Nakakaistorbo po sa trabaho ng Kongreso, so, doon po sa baba (Mababang Kapulungan ng Kongreso), halos ang mga inaaprubahan lang po namin ‘yung mga third reading ng local bills. Kailangan po natin ng sense of stability, lalong-lalo na may hinaharap po tayong mga problema tulad ng mangangalahati po ang paglago ng buong mundo ngayong mundo dahil po sa COVID-19, at sa mga ginagawa ng mga gobyerno na masyadong O.A., so, mas importante po na mas solid tayo ditto para maharap natin ‘yung mga ganoong klase,” ani Salceda. —sa panayam ng Ratsada Balita

Pinaiimbestigahan sa Department of Labor and Employment (DOLE) ang mga hinaing ng security guard na nanghostage sa San Juan tulad ng unfair labor practices.

Ayon sa Defend Jobs Philippines, maraming Pilipino ang mayroong katayuan na katulad ng kay Archie Paray na walang security of tenure at nakararanas ng unfair labor practices.

Sinabi ni Thadeus Ifurung, spokesperson ng Defend Jobs Philippines, na dapat maging eye opener ang kaso ni Paray para tingnan ng pamahalaan ang pangkalahatang kalagayan ng manggagawang Pilipino.

Dito anya pumapasok ang kahalagahan ng labor unions kung saan puwedeng maglabas ng kanilang hinaing ang mga manggagawa at may kapangyarihang makipag negosasyon sa kumpanya.

Hindi pipigilan ng Malacañang si Philippine Ambassador to the United States Jose “Babes” Romualdez sa pakikipag-usap sa kanyang counterpart sa Amerika hinggil sa isyu ng pagpasok sa isang bagong kasunduang militar.

Ayon kay Presidential Spokesperson Salvador Panelo, bahagi ng diplomasya ang pagtanggap ng ambassador sa anumang alok ng pag-uusap mula sa kanyang mga counterpart.

Sa kabila naman ng posibilidad ng mga exploratory talks sa pagitan nina Romualdez at U.S. Ambassador Sung Kim, iginiit ni Panelo na nananatili pa rin ang posisyon ni Pangulong Rodrigo Duterte.

Dagdag ni Panelo, itinanggi na rin aniya ni Romualdez na nakikipag-usap siya sa Amerika para pag-aralan ang pagbuo ng panibagong military agreement na posibleng maging kapalit ng visiting forces agreement (VFA).

Nakahandang lumagda sa isang manifesto ang mga miyembro ng Partido Demokratiko Pilipino – Lakas ng Bayan (PDP-Laban) sa Mababang Kkapulungan ng Kongreso.

Ito ay upang patunayan ang patuloy na suporta kay House Speaker Alan Peter Cayetano sa gitna ng umano’y tangkang kudeta laban dito.

Ayon kay PDP-Laban spokesperson at House Deputy Speaker Johnny Pimentel, walang alam sa anumang tangkang kudeta laban kay Cayetano ang kanyang mga kaalyadong kongresista.

Iginiit ni Pimentel, sakali mang totoo ang nabanggit na kudeta, wala rin silang planong makibahagi dito.

Una nang itinuro ni Cayetano si Marinduque representative Lord Allan Velasco bilang nasa likod ng pagpapatalsik sa kanya sa house speakership sa pamamagitan ng pag-aalok ng puwesto at dagdag na pondo sa mga kongresista.