DWIZ 882

Kumbinsido si Senador Richard Gordon na napasok na ng mga spy ng China ang Pilipinas.

Ayon kay Gordon, posibleng mga intelligence agent ng People’s Liberation Army (PLA) ng China ang ilan may 200,000 empleyado ng Philippine Offshore Gaming Operator (POGO).

Napakalaki at napakalakas anya ng intelligence network ng China kumpara sa ibang mga bansa kahit pa sa Estados Unidos.

Posibela anyang tinitiktikan ng China ang invasion areas at inaalam kung saan-saan ang kampo ng militar sa bansa.

Nabahala rin si Gordon sa barilan ng mga Chinese nationals sa Makati City kung saan isa sa kanila ang nasawi.

Isa anya sa mga suspek ang napag-alaman nyang may I.D. ng PLA.

Nagpahayag ng pagtataka si Gordon kung bakit napakaluwag ng pamahalaan sa China, hanggang sa punto na kaya nilang magdala ng baril at makipagbarilan sa hindi naman nila bansa.

Una rito, nais ring imbestigahan ni Gordon ang pagpasok ng mahigit  160-million dollars na cash mula Disyembre, taong 2019, hanggang nitong Pebrero at karamihan sa mga may dala nito ay Chinese nationals.

Mangangailangan pa ng mahabang pag-aaral upang malaman kung hindi nakakatagal sa mainit na temperatura ang coronavirus.

Ayon kay Health assistant secretary Maria Rosario Vergeire, wala pang masyadong ebidensya na magpapatunay na hindi lumalaganap ang coronavirus sa tropical country na tulad ng Pilipinas.

Isa ang Pilipinas sa mga bansa na wala pang local transmission.

Ibig sabihin, wala pang pasyenteng nagpositibo na walang history ng biyahe sa ibang bansa o exposure sa isang pasyente na positibo sa 2019 coronavirus disease (COVID-19).

Kabilang rin ang Pilipinas sa syam na bansang tinukoy ng World Health Organization (WHO) na hindi nakapagtala ng bagong kaso ng COVID-19 sa nakalipas na dalawang linggo.

Matatandaan na pawang mga Chinese nationals ang nagpositibo sa COVID-19 dito sa Pilipinas –isa rito ang nasawi samantalang nakauwi na sa China ang dalawang iba pa.

Umabot na sa 86 na mga Pilipino sa abroad ang nagpositibo sa 2019 coronavirus disease (COVID-19).

Walumpu (80) dito ang galing sa Diamond Princess cruise ship kung saan 16 na ang nakalabas ng ospital.

Mayroong dalawa sa United Arab Emirates, dalawa sa Hong Kong kung saan isa ang nakalabas na ng ospital at dalawa sa Singapore, bagamat isa na lamang ang nananatili pa sa ospital.

Dito sa Pilipinas, umaabot na sa 42 ang patients under investigation (PUI) pero lahat sila ay nag negatibo na sa COVID-19.

Kinasuhan na ang dalawa sa tatlong Chinese nationals na suspek sa pamamaril sa dalawang kapwa nila Chinese nationals sa Makati City.

Kinilala ang mga kinasuhan na sina Yang Chau at Liang Yuan Wu.

Ayon kay Police Colonel Rogelio Simon, hepe ng Makati City Police, nagkita ang mga suspek at mga biktima sa isang hot pot restaurant upang magpalit ng Chinese Yuan sa piso.

Nakita anya sa CCTV na magkakasama ang lima pagpasok ng restaurant subalit makaraan lamang ang ilang minuto ay nagmamadaling umalis sa lugar ang tatlo.

Dead on the spot ang isa sa dalawang Chinese nationals na nakilalang si Yin Jian Tao samantalang nasa ospital ang isa pa.

Ang mga suspek ay nahaharap sa kasong robbery with murder, frustrated murder at illegal possession of firearms.

Samantala, tinutugis pa rin ng Makati City Philippine National Police (PNP) ang isa pang suspek.

Bumaba ang air pollution sa China mula nang magkaroon ng outbreak ng 2019 coronavirus disease (COVID-19).

Batay sa inilabas na imahe ng National Aeronautics and Space Administration (NASA) at European Space Agency, makikita ang mataas na lebel ng nitrogen dioxide sa China mula ika-1 hanggang ika-20 ng Enero, pero halos hindi na ito makita mula ika-10 ng Pebrero hanggang ika-25.

Ang nitrogen dioxide ay ang yellow brown gas na galing sa mga sasakyan, power plants at industrial facilities.

Kitang-kita umano ang pagbaba ng lebel ng polusyon sa Wuhan kung saan nag-ugat ang COVID-19.

Matatandaan na bago pa pumasok ang Pebrero ay maraming pabrika na ang nagsara sa China partikular sa Wuhan at inihinto rin ang biyahe ng mga pampublikong sasakyan.

Sa isang statement, sinabi ni Fei Liu, air quality researcher ng Goddard Space Flight Center (GSFC) ng NASA na ito ang kauna-unahang pagkakataon na nakakita sya ng sobra-sobrang pagbaba ng air pollution sa isang napakalawak na lugar.

Negatibo sa 2019 coronavirus disease (COVID-19) ang tatlong pinakahuling nakitaan ng sintomas sa mga repatriates mula sa Japan na ngayon ay naka-quarantine sa New Clark City.

Nauna nang nagnegatibo sa COVID-19 ang 10 repatriates na unang nakitaan ng sintomas tulad ng lagnat, ubo at sore throat.

Gayunman, ayon kay Health assistant secretary Maria Rosario Vergeire, nananatili ang 13 sa ospital hanggang sa gumaling ang nararamdaman ng mga ito.

At saka sila anya ibabalik sa Clark City upang tapusin ang 14 na araw na quarantine period.