DWIZ 882

Ligtas at epektibo para sa mga buntis at breastfeeding women ang pagpapabakuna laban sa COVID-19.

Ito ang tiniyak ni Philippine Obstetrical and Gynecological Society (POGS) Doctor Sybil Lizanne Bravo kung saan sinabi niya na mild lamang ang kadalasang side effects nito tulad ng pagsakit sa bahagi ng tinurukan ng bakuna, pamumula, fatigue, muscle pain at lagnat na hindi nakakaapekto sa pagbubuntis.

Samantala, hinikayat ni bravo ang mga nasabing indibidwal na magpabakuna pagkatapos ng 14weeks dahil may limitadong datos sa kaligtasan ng mga bakuna sa unang trimester. —sa panulat ni Airiam Sancho

Good news para sa mga guro at non-teaching personnel!

Matatanggap na ng mga ito ang kanilang Performace-Based Bonus (PBB) para sa Fiscal Year 2020.

Ayon kay Deped Secretary Leonor Briones, tulong ito sa mas maayos na serbisyo sa kanilang mga stakeholders.

Ibinatay ang bonus sa Results-Based Performance Management System (RPMS).

Unang mabibigyan ng bonus ang mga school based personnel, susundan ng sdo-based personnel, school division offices, regional offices at panghuli ang central offices. —sa panulat ni Abby Malanday

Umarangkada na ngayong araw sa apat na botika sa Metro Manila ang pilot run ng ‘Resbakuna sa Botika’ para sa pagtuturok ng booster shots.

Ayon kay Presidential Adviser for COVID-19 response at Testing Czar Secretary Vince Dizon, naganap ito sa mga sumusunod na lugar;

• Generika signal 1 branch Sa Signal Village sa Taguig City

• Mercury drug branch sa President Quirino Avenue, Barangay 692, Zone 75 sa Maynila

• Southstar drug branch sa Barangay Concepcion Uno sa Marikina City

• At sa Watsons Sm Supercenter sa Ortigas, Pasig City

Bukas, Enero 21 naman bubuksan ang pagbabakuna sa tatlo pang botika na matatagpuan sa;

• Healthway medical clinic sa Ermita sa Maynila

• Qualimed Clinic sa Barangay Dasmariñas Makati City

• At sa TGP Generics Pharmacy Sun Valley Parañaque City

Pinaplano ng gobyerno na palawigin ang programa sa mga lugar sa labas ng NCR, kung magiging matagumpay ang resulta nito.  —sa panulat ni Abby Malanday

Aabot sa E100K o katumbas ng P5.8M ang ibinigay na donasyon ni Pope Francis para sa mga naapektuhan ng pananalasa ng bagyong Odette.

Sa isang statement, sinabi ng Holy See Press Office na ang donasyon ay para mapabuti ang spiritwal na kalagayan ng mga nasalanta ng bagyo.

Mapupunta ito sa mga lokal na simbahan na pinaka-naapektuhan ng kalamidad.

Maliban sa mga pilipinong naapektuhan ng bagyong Odette, unang nagbigay ng donasyon si Pope Francis para sa mga migrante sa Poland at Belarus. —sa panulat ni Abby Malanday

Ibinabala ng National Grid Corporation of the Philippines (NGCP) ang posibleng pagnipis ng suplay ng kuryente sa bansa ngayong tag-init.

Sa panayam sa DWIZ, sinabi ni Atty. Cynthia Alabanza, tagapagsalita ng ngcp na posible itong maganap sa buwan ng Abril hanggang Hunyo dahil sa mataas na demand.

Ngayong Enero, ilang generation units ang nagpalawig sa kanilang maintenance shutdowns na nagresulta ng yellow alert na inilabas nitong Emero 10 at 11.

Unang nagpalabas ng red alert ang NGCP sa luzon grid noong Mayo 31 at Hunyo 1 hanggang 2 taong 2021.  —sa panulat ni Abby Malanday

Hinimok ni Philippine Nurses Association (PNA) President Melbert Reyes ang Department of Health (DOH) na ipamahagi ng maayos ang mahigit isang bilyong pisong (P1.185-B) special risk allowance (SRA) na inaprubahan ni Pangulong Rodrigo Duterte para sa mga healthcare workers.

Aniya, ito’y dahil marami silang natatanggap na reklamo kaugnay sa hindi pa naibibigay na benepisyo tulad ng meal, accomodation and transport allowance at kompensasyon sakaling tamaan ng COVID-19.

Giit pa niya na mayroong limitasyon ang batas na dapat ay ‘with contact with COVID-19′ ang mga health workers kung kaya’t hindi lahat nabibigyan.

Dahil dito, sinabi ni Reyes na walang dapat na pinipili ang batas dahil lahat naman aniya ay nasa risk. —sa panulat ni Airiam Sancho

Pumalo na sa 567 na truck at 157 sasakyan ang na-stranded sa Matnog Port Sorsogon dahil sa nasirang adjustable ramp.

Ayon sa report, umabot sa apat na kilometro ang haba ng pila mula sa port kung saan nagrereklamo na ang ilang indibidwal na dalawang linggo nang pumipila dahil sa mga fixer na nanghihingi ng bayad sa mga drayber na gustong mauna sa pila.

Samantala, hinimok ng otoridad ang mga nagrereklamo na i-report ang mga umano’y fixer. —sa panulat ni Airiam Sancho