DWIZ 882

Makakatanggap ng allowance mula sa gobyerno ang mga healthcare workers.

Ito ang sinabi ni Department of Health Undersecretary Maria Rosario Vergeire kaugnay sa ipinatupad na one Covid-19 allowance.

Sa ilalim nito, tatanggap ang mga medical workers ng allowance na nagkakahalagang P3,000 hanggang P9,000.

Paliwanag ni Vergeire, hinati sa tatlong klasipikasyon ang mga nasabing indibidwal kung saan ang mga nasa high-risk ay makakakuha ng P9,000 na allowance, P6,000 naman para sa mga kabilang sa moderate risk habang P3,000 ang matatanggap ng nasa low risk.

Dagdag pa niya, kabilang sa high risk classification ang mga ospital tulad ng nasa administrative office at iba pa.

Samantala, ikinokonsidera rin ng kagawan ang mga Rural Health Units (RHU), Centers for Health Development Offices (CHD) at Regional Offices bilang bahagi ng low risk classification.   —sa panulat ni Airiam Sancho

Gumaganda na ang kalidad ng tubig sa Manila Bay sa Maynila.

Ayon kay Elenida Basug, Climate Change Service officer-in-charge (OIC) director ng Department of Environment and Natural Resources (DENR), bumaba ang coliform level ng Manila Bay sa 21,100 per 100 milliliters mula sa 5.75 milyon kada 110 milliliters .

Malaking tulong dito ang mga isinagawang clean-up activities at declogging na naganap mula sa Enero hanggang Setyembre 2021.

Nagsimula ang DENR-Rehabilitation Program nitong Enero 2019 kung saan kasama ang paglikha ng Dolomite Beach sa Baywalk. —sa panulat ni Abby Malanday

Posibleng ilabas na sa susunod na linggo ang polisiya sa tamang paggamit ng self-administered antigen test kit.

Ayon kay Department of Health (DOH) Usec. Maria Rosario Vergeire, nasa pinal na bahagi na ang Food and Drug Administration (FDA) para sa ebalwasyon ng mga aplikasyon.

Natanggap na ng FDA ang lahat ng dokumento ng mga aplikante at nagsagawa na ng inisyal na ebalwasyon.

Ipinasa ito sa Research Institute for Tropical Medicine (RITM) para sa performace validation na matatapos sa loob ng apat hanggang limang araw.

Nasa 11 manufacturers ang nag-apply ng approval sa FDA. —sa panulat ni Abby Malanday

Umabot na sa 81,000 employees compensation claims na may relasyon sa COVID-19 pandemic ang na-proseso na ng Employees Compensation Commission (ECC).

Ayon kay Stella Zipagan-Banawis, executive director ng ECC, sa pamamagitan ito ng Government Service Insurance System (GSIS) para sa state workers at Social Security System (SSS) para sa manggagawa sa pribadong sektor.

Nasa 24,000 cash assistance na ang naproseso na nagkakahalaga ng 10,000 hanggang 15,000 pesos.

Makakatanggap ng 10,000 pesos kung nag-positibo sa RT-PCR test at 15,000 pesos kung nasawi dahil sa virus. —sa panulat ni Abby Malanday

Wala munang biyahe ngayong araw ang mga tren ng LRT-1.

Ayon sa Light Rail Manila Corporation (LRMC), ito ay upang mabigyang-daan ang pag-test sa bagong signaling system ng mga linya ng tren.

Unang nagsagawa ng upgrade ang LRMC sa kanilang signaling system para maka-adapt sa bagong apat na set ng tren na dumating sa bansa nakaraang taon.

Sa Enero a-30 muling magpapatupad ng suspension ng biyahe ang LRT-1 para makumpleto ang testing ng bagong signaling system. —sa panulat ni Abby Malanday

Epektibo na bukas, Enero a-24 ang pagdedeklara ng ‘health break’ sa lahat ng antas ng klase sa Urdaneta, Pangasinan.

Ayon kay Mayor Julio Parayno, mabibigyang panahon ng class suspension ang mga guro at mag-aaral na magpahinga dahil sa pagod sa gitna ng COVID-19 pandemic.

Habang nilalayon din nitong i-recalibrate ang minimum health standards sa siyudad.

Nitong Biyernes, nasa 113 ang naitalang bagong kaso sa Urdaneta. —sa panulat ni Abby Malanday

Hindi na magkakaroon ng pagka-antala sa paglalabas ng Covid-19 RT-PCR test results ng mga pilipinong uuwi ng bansa.

Ito ang tiniyak ni Bureau of Quarantine (BOQ) Deputy Director Dr. Roberto Salvador Jr. kung saan sa loob lamang aniya ng 24 oras ay nakapagsumite na ng mga resulta ng nasabing tests ang mga laboratoryo sa bansa.

Ipinaliwanag naman niya na ang nangyaring delay ng swab results ay naranasan lamang noong maraming nagpositibo sa naturang sakit kabilang ang halos lahat ng mga tauhan sa mga ahensya ng gobyerno.

Samantala, sinabi ni Salvador na nasa 3,000 international arrivals ang bilang ng daily average capacity na kanilang naitatala kada araw kung saan hindi bababa sa 300 ang mga indibidwal na nagpopositibo sa nasabing sakit. —sa panulat ni Airiam Sancho

Umabot na sa 277 ang naaresto ng Philippine National Police (PNP) na lumabag sa Election Gun Ban.

Ayon kay PNP spokesperson Brig. Gen. Roderick Alba, nadagdagan ang bilang ng 35 nitong Biyernes.

15 sa mga ito ay nagmula sa NCR, anim sa CALABARZON habang sa Central Luzon, Central Visayas, Ilocos at Eastern Visayas ang iba pa.

Nitong Enero a-9, 2022 naging epektibo ang pagpapatupad ng gun ban na magtatagal hanggang Hunyo a-8, 2022. —sa panulat ni Abby Malanday

Nagpadala ang Philippine Red Cross (PRC) ng mga food trucks sa Manila North Port para sa 250 na-stranded na indibidwal.

Ayon kay PRC chairman at senator Richard Gordon, naglalaman ang mga ito ng mainit na pagkain para samga indibidwal na bibiyahe sana patungong Zamboanga, Cagayan, Ozamis, Cebu at Bacolod City.

Maliban dito, nagbigay din ang PRC Welfare Team ng damit, face mask at hygiene kits.

Patuloy naman ang pagtiyak ng ahensiya ng tulong sa lahat ng nasalanta ng pananalasa ng bagyong Odette sa Visayas at Mindanao. —sa panulat ni Abby Malanday

Nagtalaga ng 133 public information officers (PIO) ang Philippine National Police (PNP) bilang point persons sa seguridad ng media ngayong 2022 Election.

Ayon kay PNP chief general Dionardo Carlos, papangasiwaan nito ang ilang isyu kung saan sangkot ang mga mamamahayag.

Si PNP spokesperson Brigadier General Roderick Alba ang itinalaga ni Carlos bilang focal person sa Camp Crame.

Habang nakatalaga sa iba’t ibang regional offices ang chief ng mga regional public information offices.

Ayon kay Carlos, malaki ang gampanin ng media para sa darating na eleksyon kaya kailangan silang pagtuunan ng pansin. —sa panulat ni Abby Malanday