DWIZ 882

Inihayag ni Tinapay Festival owner at Philippine Federation of Bakers member Luisito Chavez na nakaambang tumaas ang presyo ng pinoy tasty at pinoy pandesal sa Pebrero dahil sa mataas na presyo ng mga ingredient sa paggawa ng tinapay.

Sa panayam ng DWIZ, sinabi ni Chavez na ito ang kanilang napag-usapan makaarang magpulong ang mga maliliit at malalaking manufacturer ng tinapay sa bansa.

Dagdag pa niya, ipinakiusap ng Depertment of Trade and Industry (DTI) noong last quarter ng 2021 na alang-alang sa pandemya at pasko ay huwag munang galawin ang presyo ng mga tinapay.

Samantala, nilinaw ni Chavez at ng mga asosasyon na wala pang eksaktong halaga kung magkano ang itataas sa presyo ng mga naturang produkto. —sa panulat ni Airiam Sancho

Umabot na sa mahigit 1,000 ang bilang ng mga naturukan ng booster shot sa ‘resbakuna sa botika’ program ng gobyerno.

Ayon sa National Vaccination Operations Center (NVOC), karamihan sa mga naturukan sa 5 botika at 2 klinikang kasama sa pilot run ng nasabing programa ay nagsabing mas convenient ito bilang alternatibong vaccination sites.

Matatandaang inihayag ni Health Undersecretary Myrna Cabotaje na plano ng gobyernong magkaroon ng expansion ng naturang vaccination drive sa iba pang accredited pharmacies and clinic sa Metro Manila, Central Luzon at Calabarzon sa Pebrero. —sa panulat ni Airiam Sancho

Sinumulan na ng Commission on Elections ang pag-iimprinta ng balota ng Bangsamoro Autonomous Region in Muslim Mindanao  (BARMM) para gamitin sa halalan sa darating na Mayo a-nueve taong kasalukuyan.

Ayon kay Comelec Spokesperson James Jimenez, mahigit 2,588,193 ang kabuuang bilang ng BARMM ballots na kanilang iimprinta sa National Printing Office kung saan sisimulan nila ito sa mga balota ng Lanao del Sur na may bilang na mahigit 685,643.

Una nang sinabi ng Comelec na mahigit anim na put pitong milyon ang opisyal na balota para sa naturang eleksyon.  —sa panulat ni Airiam Sancho

Inihayag ng Philippine Statistic Authority (PSA) na dapat nakatago ang Philippine Identification System (PhilSys) registration transaction slip.

Ayon sa PSA, ito’y dahil naglalaman ito ng personal information na dapat manatiling confidential.

Dahil dito, nagbabala sa publiko ang ahensya na huwag mag-post ng transaction slip sa social media platform dahil naglalaman ito ng pribadong impormasyon ng registrant.

Nananatili pa rin sa very high risk classification dahil sa COVID-19 ang ilang lugar sa bansa.

Ayon kay OCTA Research Fellow Dr. Guido David, kinabibilangan ito ng;

1. Benuget
2. National Capital Region (NCR)
3. Cavite
4. Laguna
5. Bataan
6. Kalinga
7. Rizal
8. Mountain province
9. La union
10. Ilocos norte
11. Nueva vizcaya
12. Cagayan
13. Apayao
14. Bulacan
15. Ifugao
16. Pampanga
17. Batangas
18. At iloilo

Mayroon namang negative growth rate ang NCR, Rizal at Bulacan.

Kahapon, Enero a-bente dos, nangunguna ang NCR sa nakapagtala ng pinakamataas na kaso ng COVID-19 na nasa 6 thousand 646.

Sinundan ito ng Cavite, Cebu, Laguna, Davao Del Sur, Bulacan at Iloilo. —sa panulat ni Abby Malanday

Pinaigting pa ng Philippine National Police-Internal Affairs Service (PNP-IAS) ang kanilang kampanya laban sa mga corrupt na police officers.

Ayon kay PNP Chief General Dionardo Carlos, tututukan ng PNP-IAS ang mabilis na pagsasampa ng kaso sa mga police personnel na akusado sa graft at corruption practices.

Katuwang nila rito ang Integrity Monitoring and Enforcement Group.

Simula nitong Hulyo 2016, tinatayang nasa 20,000 police officers nang nakatanggap ng sanction kung saan 5,513 ang natanggal sa serbisyo.  —sa panulat ni Abby Malanday

Bumaba pa sa 1.20 ang reproduction number o bilis ng hawaan ng COVID-19 sa National Capital Region (NCR).

Mula ito sa dating 2.95 na naitala nitong nakaraang linggo.

Pero ayon kay OCTA Research Fellow Dr. Guido David, nananatili pa rin sa very high risk ang rehiyon.

Bumaba naman sa negative 42 percent ang one-week growth rate sa NCR na malinaw na nagpapakitang bumababa na sa downward trajectory ang mga bagong kaso.

Nasa 72 kada 100,000 ang average daily attack rate (ADAR) na nasa high risk level pa rin kaya pinapayuhan ang lahat na sumunod pa rin sa minimum health protocols. —sa panulat ni Abby Malanday

Naglabas ng pahayag ang kampo ni dating senator at presidential aspirant Ferdinand ‘Bongbong’ Marcos kaugnay ng press release ng 1Sambayan.

Hinggil ito sa desisyon ng COMELEC na ibasura ang petisyon na nagpapakansela ng certificate of candidacy (COC) ni Marcos.

Ayon kay Atty. Vic Rodriguez, chief of staff at tagapagsalita ni Marcos, unequivocal at malinaw ang desisyon ng second division ng COMELEC dahil wala talagang false material representation si Marcos sa kaniyang COC.

Anila, ang maituturing na hindi matututulan batay sa COMELEC ruling ay nagsinungaling sa mga Pilipino si 1Sambayan Co-Convenor Retired SC Justice Tony Carpio at nag-commit ng injustice kay Bongbong Marcos.

Patuloy namang umaasa ang kampo ni Marcos ng pagkakaisa sa darating na panahon laban sa galit at pagkakawatak-watak. —sa panulat ni Abby Malanday