Karamihan ng mga Pilipino ang pabor sa mga hakbang ng gobyerno sa pagtatanggol sa teritoryo ng Pilipinas laban sa China.
Batay ito sa pinakahuling “Tugon ng Masa” survey ng OCTA Research, kung saan 66% ng adult Filipinos ang pabor sa paraan ng pagtugon ng kasalukuyang administrasyon sa sigalot sa teritoryo sa pagitan ng Pilipinas at China.
Nanguna ang Metro Manila sa may pinakamataas na antas ng pagsang-ayon na 70%, sinundan ng Balance Luzon na may 68%, Visayas na may 65%, at Mindanao na may 62%.
Samantala, 13% ang hindi sang-ayon, habang 19% ang hindi pa nakapagpapasya.
Isinagawa ang survey sa 1,200 adults mula Abril 20 hanggang 24 sa pamamagitan ng face-to-face interviews.
