DWIZ 882

Isang call center agent ang sugatan nang barilin matapos manlaban sa holdaper sa Tondo, Maynila.

Kinilala ang biktimang si Christian Balingcasag, habang natukoy naman ang suspek na si Mikko Doble.

Ayon kay Lt. Col. Harry Ruiz Lorenzo III, Station Commander ng Manila Police District-Station 2, pauwi na ang biktima nang biglang manutok ng baril ang isang lalaking nakatayo sa tabi ng naka-paradang motorsiklo at sapilitang kinukuha ang kanyang bag.

Tinangka naman ni Balingcasag na makipag-agawan sa kay doble na agad na tumakas matapos barilin ang biktima at makuha ang gamit ng call center agent.

Samantala, nahuli rin kalaunan ang suspek habang at narekober dito ang isang kalibre 38 baril na ginamit sa krimen. – sa panulat ni Mara Valle

Aarangkada na simula ngayong araw ang mobile COVID-19 vaccination drive ng Department of Transportation (DOTr) at Metropolitan Manila Development Authority sa Parañaque Integrated Terminal Exchange (PITX).

Ayon kay DOTr secretary Arthur Tugade, layunin ng programang “We Vax as One: Mobile Vaccination Drive” na magbigay ng astrazeneca vaccine brand bilang first, second o booster doses sa mga pasahero at mga transport workers.

Target anya nilang makapagbigay ng 500 doses ng bakuna hanggang Biyernes at prayoridad ang mga tatanggap ng booster.

Pinayuhan naman ng kalihim ang mga nais magpabakuna na magtungo sa gate 4 sa ikalawang palapag ng PITX at magparehistro habang tatanggap din ng walk-ins. - sa panulat ni Mara Valle 

Iminungkahi ng Philippine Red Cross sa Department of Health (DOH) na gamitin ang saliva tests para mapataas ang kapasidad at kakayahan sa pag-detect ng COVID-19 infections.

Ayon kay Red Cross Chairman at Senador Richard Gordon, bagaman mayroon pang nagpapatuloy na pag-aaral ang DOH sa homemade antigen tests, mas mura naman ang saliva test.

Mas maigi anyang gamitin ng kagawaran ang saliva test sa halip na maglagay ng sariling antigen na kailangan pang i-report sa DOH.

Una nang pinayagan ng DOH. Ang professional regulation commission na magsagawa ng saliva test, na nagkakahalaga lamang ng P2K kumpara sa RT-PCR tests na P3K hanggang P5. -sa panulat ni Mare Valle 

Umabot sa 40K reklamo ang natanggap ng Bangko Sentral ng Pilipinas (BSP) kaugnay sa online fraud na naitala sa nakalipas na taon.

Ayon sa bankfraud.ph na siyang tumutulong sa mga biktima ng online fraud at cyber theft, maraming mga bumili ng bank account sa presyong hindi bababa sa halagang P4K.

Base sa imbestigasyon, ang mga nabibiling account ay ginagawang Money mule o mule account na ginagamit para mailabas ng mga suspek ang mga perang ninanakaw mula sa mga bank depositor.

Ayon sa mga otoridad, posibleng biktima at napilitan lang din ang mga nasasangkot sa naturang krimen dahil sa kagipitan bunsod narin ng pandemiya.

Samantala, sang-ayon naman ang Bankers Association of the Philippines (BAP) na palawigin ang Cyber Security Law na isinusulong ngayon sa kamara para gawing krimen ang pagbebenta ng account sa Pilipinas.  —sa panulat ni Angelica Doctolero

Aminado si presidential aspirant Senator Panfilo “Ping” Lacson na isa sa malaking problema ng bansa ay ang gobyerno.

Ayon kay Lacson, ang gobyerno ang dahilan kung bakit nag-iiba ang ugali ng mga pilipino kung saan, nawawalan ang mga ito ng respeto at tiwala sa mga namumuno sa bansa.

Sinabi pa ni Lacson na isa sa mga kamalian ng mga Pilipino ay ang pagtigil na mangarap, kawalan ng pag-asa at ang hindi pagtutulungan ng bawat isa.

Sa kabila nito, naniniwala si Lacson na ang gobyerno ang solusyon para mabago ang pananaw at maging maayos ang pamumuhay ng mga Pilipino.   —sa panulat ni Angelica Doctolero