Hindi bababa sa 16 na indibidwal ang nasawi habang 8 pa ang sugatan sa naganap na sunog sa isang nightclub sa Cameroon, Central Africa.
Ayon sa Cameroonian Ministry of Communication, bukod sa sunog ay naitala din ang ilang pagsabog kung saan, nasa kritikal na kundisyon ngayon ang mga sugatan habang nagdulot naman ng takot sa mga residente ang naganap na pagsabog.
Sa ngayon, ipinag-utos na ni Cameroon President Paul Biya, ang malalimang imbestigasyon sa naganap na insidente kasabay ng kaniyang pakikiramay sa mga pamilya ng mga biktima. —sa panulat ni Angelica Doctolero