DWIZ 882

Wala pang nadedetect na “stealth omicron” sub-variant sa bansa.

Ito ang nilinaw ni Department of Health Undersecretary Maria Rosario Vergeire kaugnay sa ba.2 sub-lineage na nadiskubreisang linggo matapos madetect ang omicron variant ng COVID-19.

Iginiit din niya na may kakayahan ang Philippine Genome Center na matukoy ang lahat ng posibleng variant na mayroon ang bawat sample sa ilalim ng genome sequencing process.

Sa ngayon, patuloy pang pinag-aaralan ng World Health Organization (WHO) at ng iba pang mga ekperto ang nasabing sub-variant kung saan batay sa kanilang initial findings, wala itong masyadong pinagkaiba sa kalubhaan ng sakit na dulot ng Omicron variant. - sa panulat ni Airiam Sancho

Nakatakdang ipatupad ng Department of Agriculture ang “Fuel Discount for Farmers and fisherfolk” sa mga magsasaka at mangingisda.

Ayon kay Agriculture Secretary William Dar ang programa ay alinsunod sa RA 11639 ng General Appropriations Act para sa taong 2022 kung saan pinondohan ito ng P500 na makakatulong sa production at transport costs ng pangunahing farm at fishery products.

Samantala, sinabi ni DA Undersecretary for Operations Ariel Cayanan na dapat nakarehistro ang mga kwalipikadong benepisyaryo sa DA Registry System for Basic Sector in Agriculture (RSBA) at BFAR’s Fisherfolk Registry System. - sa panunulat ni Airiam Sancho 

Nawalan ng  P26K hanggang P121K ang ilang guro ng Teachers Dignity Coalition (TDC) matapos umanong mahack ang kanilang landbank account.

Ayon kay TDC Chairman Benjo Basas, inireport ng mga ito na “ninakaw” matapos nilang ilipat mula sa landbank payroll accounts patungo sa ibang bangko o electronic wallets ang kanilang pera.

Samantala, nakipag-ugnayan na ang nasabing grupo sa Department of Education (DEPED) kaugnay sa naturang pangyayari. - sa panulat ni Airiam Sancho 

Nagkakaubusan na ng lokal na galunggong sa Commonwealth Market.

Ito’y dahil isang pwesto o stall na lamang ang nagbebenta ng galunggong dito kung saan tumaas din ang presyo sa halagang 240 pesos kada kilo.

Maliban sa nasabing isda, tumaas din ang presyo ng bangus na mula sa P180 hanggang P200 kada kilo ay nasa P200 hanggang P240 na ito.

P130 naman mula sa P110 ang kada kilo ng tilapia.

Samantala, karamihan sa mga galunggong na ibinibenta sa ngayon ay imported at nagkakahalaga ng P200 kada kilo.

Nagkakaubusan na ng lokal na galunggong sa Commonwealth Market.

Ito’y dahil isang pwesto o stall na lamang ang nagbebenta ng galunggong dito kung saan tumaas din ang presyo sa halagang 240 pesos kada kilo.

Maliban sa nasabing isda, tumaas din ang presyo ng bangus na mula sa P180 hanggang P200 kada kilo ay nasa P200 hanggang P240 na ito.

P130 naman mula sa P110 ang kada kilo ng tilapia.

Samantala, karamihan sa mga galunggong na ibinibenta sa ngayon ay imported at nagkakahalaga ng P200 kada kilo. - sa panulat ni Airiam Sancho 

Nilinaw ng Department of Labor and Employment (DOLE) na lahat ng manggagawa anuman ang employment status na naapektuhan ng implementasyon ng alert level 3 ay kwalipikadong mag-apply ng P5K cash assistance.

Ayon kay DOLE Undersecretary Dominique Tutay, kabilang dito ang mga regular, contractual, probationary at casual na empleyadong pansamantalang nasuspindi at nawalan ng trabaho dahil sa pagsasara ng kanilang mga kumpanya.

Matatanggap naman aniya ng mga naturang manggagawa sa loob ng dalawang linggo ang nabanggit na cash aid mataposmakapagsumite ng applikasyon na nagsimula ngayong Lunes, January 24.

Matatandaang naglaan ng P1B ang DOLE para sa naturang assistance sa ilalim ng Covid Adjustment Measure Program (CAMP) 2022. - sa panulat ni Airiam Sancho

Pitong lalawigan sa bansa ang nakapagtala ng mataas na COVID-19 one-week growth rate na lumampas sa100%.

Ayon kay OCTA Research Fellow Doctor Guido David, kabilang dito ang Davao Del Sur na may 308% COVID-19 one-week growth rate, 307% sa Ifugao, 234% sa Apayao, 226% sa Mountain Province, 177% sa Cebu, 139% sa Iloilo at 108% sa Ilocos Norte.

Habang ang COVID-19 growth rate sa Metro Manila ay patuloy na bumaba sa -42% noong  January 22 at -50% ngayong araw kabilang ang mga probinsya ng Bulacan at Rizal na nakapagtala ng -41% at -16% sa Cavite.

Samantala, tanging ang lalawigan ng Benguet ang may mataas na Average Daily Attack Rate (ADAR) na nasa 101.48.

Ang adar ay bilang ng mga bagong kaso ng COVID-19 sa kada 100K indibidwal.  -sa panulat ni Airiam Sancho

Inihayag ni Alliance of Health Workers President Robert Mendoza na hindi makatarungan ang bagong polisiya ng Department of Health (DOH) na tumutukoy sa risk level ng healthcare workers para mabigyan ng one COVID-19 allowance.

Aniya, ito’y insulto sa mga nasabing indibidwal lalo na sa mga tinamaan ng COVID-19.

Sinabi pa ni mendoza na marami ring healthcare workers ang hindi pa nakakatanggap ng benepisyo sa ilalim ng bayanihan 2.

Matatandaang sa bagong guidelines ng DOH, papalitan na ng one COVID-19 allowance ang special risk allowance kung saan ibabatay sa klasipikasyon o risk level ang matatanggap na benepisyong mga naturang indibidwal.  - sa panulat ni Airiam Sancho