Drew Nacino

Hinimok ni outgoing Trade Secretary Ramon Lopez si incoming Department of Trade and Industry (DTI) Secretary Alfred Pascual na palakasin pa ang produksyon ng mga kalakal sa bansa.

 Ito’y upang mapanatiling mababa ang presyo ng mga bilihin sa gitna ng mataas na inflation rate na 5.4% na kinakaharap ng susunod na adminitrasyon.

 Ayon kay DTI Undersecretary Ruth Castelo, ang nasabing panawagan ay kabilang sa napag-usapan nina Lopez at Pascual sa kanilang pulong noong isang linggo.

 Ang nasabing istratehiya ay ipinatupad din noong 2018 nang maranasan ng bansa ang 6.4% inflation rate.

 Hinikayat din anya ng DTI ang mga local farmer na mag-produce ng karagdagang produkto upang matiyak na may sapat na supply, lalo ng bigas nang sa gayo’y mapanatiling mababa ang presyo nito.

 Samantala, patuloy ang ugnayan nina Lopez at Pascual at nagbibigay din ng updates ang kasulukuyang kalihim sa susunod na DTI chief.

Tatlong lalaki ang kalaboso sa ikinasang entrapment operation ng pulisya sa lungsod ng Maynila dahil sa iligal na E-sabong.

 Kinilala ang mga suspek na sina Melvin Isip, 25 anyos; mark Jorge Reyes, 27 anyos at Archie Balmes.

 Kasong paglabag sa Presidential Degree 1602 in Relation to Republic Act 10175 o Illegal E-sabong Operation ang kinakaharap ng tatlo.

 Nadakip ang mga suspek ng Manila Police District – Station 1 katuwang ang Crimimal Investigation and Detection Unit sa isang bahay sa Magsaysay Street sa Tondo.

 Batay sa imbestigasyon, mismong si Isip ang nanghihikayat sa mga nagsusugal na tumaya sa E-sabong.

 Narekober naman mula sa mga suspek ang limang set ng computer desktop, tatlong unit ng Lan router, dalawang ng cellphone, isang genuine na 1,000 peso marked money na may kasamang boodle money at ID.

Aabot sa 216 million pesos ang idineklara ni vice President-elect Sara Duterte-Carpio na gastusin para sa kanyang kampanya sa 2022 vice presidential race.

 Nakasaad ito sa kanyang Statement of Contributions and Expenditures (SOCE) na inihain sa Commission on Elections (COMELEC) Kahapon.

 Ang 79.5 million pesos ay nagmula sa in-kind contribution na natanggap mula sa iba pang source habang ang 136.6 million pesos ay in-kind contribution mula sa kanyang political party.

Batay din sa SOCE, hindi nakatanggap si outgoing Davao City Mayor Duterte ng cash contribution mula sa ibang source o sa kanyang partido.

Dapat dagdagan ang pantawid pasada para sa mga Public Utility Vehicles (PUV) drivers.

 Ito ang inihayag ni Senator Sherwin Gatchalian sa gitna ng patuloy na pagtaas ng presyo ng krudo.

 Gayunman, mahalaga anya na mabilis na maibigay sa mga operator at driver ang ayuda.

 Iminungkahi ng senador na gumamit ng electronic wallet upang mapabilis ang pagkuha ng mga PUV drivers sa pantawid pasada.

 Iginiit ni gatchalian na hindi madali ang sitwasyon ng pilipinas dahil 99% ng langis ay ini-import kaya kapag tumataas ang presyo sa international market ay agad itong mararamdaman sa bansa.

 Kabilang naman sa tinukoy ng mambabatas na long term solution na dapat gawin ay magkaroon ng bagong pagkukunan ng oil and gas; gumamit ng electric vehicles at renewable energy.

 Pinaghahanda na rin ng senador ang bansa kung sakaling tumagal ang digmaan sa ukraine dahil hangga’t may giyera ay may posibilidad na tataas pa ang presyo ng langis. –  sa ulat ni Cely Ortega-Bueno (Patrol 19)

Nakukulangan ang grupong 1-United Transport Alliance Koalisyon (1-UTAK) sa inaprubahan ng Land Transportation Franchising and Regulatory Board (LTFRB) na pisong dagdag pasahe sa jeep sa NCR, Region 3 at 4-A.

 Ayon kay 1-UTAK Chairman at President Vigor Mendoza, hindi sapat ang piso na dagdag-pasahe lalo’t malayo na ang hinahabol na presyo ng mga jeepney driver dahil sa pagtaas ng oil price hike.

 Wala anyang ibang paraan upang mabayaran ang malaking gastos at bawas sa kinikita ng mga driver dahil sa krudo.

 Dahil dito, muling hiniling ng 1-UTAK at iba pang transport group na suspendihin muna ang excise tax sa oil products.

 Aabot na anya sa 20 million pesos ang utang ng gobyerno sa mga driver ng libreng sakay program kaya’t naghain na sila ng reklamo sa Department of Labor and Employment (DOLE).

 Una nang inamin ng ES Consortium na atrasado ang paglalabas ng sweldo ng mga tsuper dahil sa pabago-bagong COVID-19 alert level status at iba’t-ibang proseso sa loob ng Consortium.

 Dismayado na anya sila sa tila pagbubulag-bulagan at pagbibingi-bingihan ng mga ahensya ng gobyerno sa mga panawagan ng mga transport sector worker.

 Sa ilalim ng contracting program, 30% ng lingguhang bayad ay mapupunta sa mga tsuper habang 70% sa mga operator, kung saan saklaw nito ang pang-araw-araw na operational at maintenance costs.

Sinimulan na ng National Bureau of Investigation (NBI) ang imbestigasyon sa serye ng pambobomba sa Yellow Bus Lines Incorporated (YBLI), Mindanao Star Bus at Rural Tours sa Mindanao.

 Pinangunahan ito ni NBI Director Eric Distor na nanawagan sa mga regional director at opisyal ng NBI na makibahagi sa nasabing imbestigasyon.

 Kabilang sa team ang NBI-Counter Terrorism Division, Forensic Experts at Evidence Response team na nagtungo mismo sa mga matataong lugar sa Mindanao.

 Ayon kay Distor, mayroon nang anim na bombing incident sa mga nasabing bus lines sa mindanao sa nagdaang dalawang taon.

 Layunin ng imbestigasyon na matiyak ang national security upang maiwasan ang posibleng malalaking pag-atake hindi lamang sa Mindanao kundi maging sa buong bansa.

 Nagsimula ang serye ng pambobomba noong January 7, 2021 sa YBLI Koronadal City, South Cotabato Office na nasundan ng ilang pambobomba kung saan may mga nasawi at nasugatan. – sa ulat ni Aya Yupangco (Patrol 5)

Aabot sa 192 additional COVID-19 cases ang naitala ng Department of Health (DOH) sa bansa, kahapon.

 Ito na ang ikatlong sunod na araw na hindi umabot ng 200 ang mga karagdagang kaso.

 Bahagya namang tumaas sa 2,440 ang active cases kahapon kumpara sa 2,437 noong Martes.

 Umakyat sa 3,692,84 ang total COVID-19 cases habang wala ring naitalang bagong namatay sa ika-anim na sunod na araw.

 Ang National Capital Region (NCR) pa rin ang nakapagtala ng pinaka-maraming bagong kaso sa nakalipas na dalawang linggo na aabot sa 1,191; Calabarzon, 375 at Central Luzon, 217.

Naniniwala si outgoing Health Secretary Francisco Duque III na tila na-contain na ang COVID-19 sa bansa kahit posible pa ring magkaroon ng mga panibagong pagsipa ng kaso.

 Ito’y makaraang ihayag ni Pangulong Rodrigo Duterte na na-contain na ng administrasyon ang virus sa loob lamang ng maikling panahon.

 Gayunman, iginiit ni Duque na hindi pa rin dapat magpaka-kampante ang publiko lalo’t may iba pang variant na nadidiskubre.

 Dapat anyang magpakatotoo at huwag labis na umasang tuluyang mawawala ang COVID-19 dahil tiyak na mananatili ito.

 Samantala, umaasa naman si Duque na pag-aaralang mabuti ng susunod na administrasyon ang COVID-19 trends sakali mang may plano itong alisin na ang state of public health emergency sa bansa na magtatapos sa Setyembre.

Matapos ang halos isang taong panawagan ng mga transport group, inaprubahan na ng Land Transportation Franchising and Regulatory Board (LTFRB) ang pisong provisional increase sa minimum fare sa jeep.

Mula sa nwebe pesos, magiging diyes pesos na ang pasahe sa jeep at saklaw ng fare increase ang unang apat na kilometro sa mga bumibiyahe sa Metro Manila, Region 3 at Region 4-A.

 Inilabas ng LTFRB ang desisyon sa gitna ng mga petisyon ng mga transport group bunsod ng walang prenong pagtaas ng presyo ng mga produktong petrolyo.

 Ang mga naghain ng petisyon ang 1-United Transport Koalisyon, Pangkalahatang Sanggunian manila and Suburbs Drivers Association Nationwide (PASANG MASDA), Alliance of Transport Operators and Drivers Association of the Philippines at Alliance of Concerned Transport Organizations.

 Inihayag ng LTFRB na batid nila ang dinaranas ng mga jeepney operator at driver na responsable sa pagtiyak na mayroong masasakyan ang mga mamamayan, lalo ang mga manggagagawa.

 Nito lamang Martes, muling nagpatupad ng big time price hike ang mga kumpanya ng langis.