Patuloy ang koordinadong pagtugon ng Office of Civil Defense (OCD) sa mga komunidad na naapektuhan ng Bagyong Inday at pinalakas na Southwest Monsoon o Habagat.
Kasabay nito, ipinagpapatuloy ng Department of Social Welfare and Development (DSWD) ang paghahatid ng ayuda sa mga pamilyang sinalanta ng kalamidad, ayon kay OCD Deputy Administrator Asec. Bernardo Alejandro IV.
Ayon sa DSWD, nasa halos ₱28.5 milyon halaga ng food at non-food items na ang naipamahagi sa iba’t ibang apektadong komunidad.
Samantala, umabot na sa halos ₱1.1 bilyon ang kabuuang halaga ng assistance na naihatid sa mga pamilyang nangangailangan.
Nakapaglaan din ang ahensya ng halos ₱10 milyon halaga ng tulong para sa mga local government units (LGUs) at iba pang katuwang na ahensya upang suportahan ang patuloy na disaster response operations.
