Maghahain si dating Presidential Spokesman Harry Roque ng application for asylum sa Netherlands, para samahan ang legal team ni dating Pangulong Rodrigo Duterte, at depensahan ito sa kasong crimes against humanity.
Tugon ito ni Atty. Roque nang tanungin sa kanyang mga susunod na hakbang sakaling maghain ng extradition request ang pilipinas para mapauwi siya sa bansa.
Sakali aniyang matanggap ang kanyang asylum application, mayroon siyang rights to non-refoulement.
Sa ilalim ng international law, nangangahulugan ang non-refoulement ng non-deportation hanggang matapos ang imbestigasyon, at non-prosecution for illegal entry.
Una nang sinabi ni Palace Press Officer Undersecretary Atty. Claire Castro na katulad nang panawagan ng duterte supporters na mapauwi ang dating pangulo, dapat din itong i-apply sa kaso ni Atty. Roque na sinasabing sangkot sa illegal POGO operations. —sa panulat ni Laica Cuevas
