Tiniyak ng Malakaniyang na mababayaran ang natitirang utang ng PhilHealth sa Philippine Red Cross na COVID-19 testing services na nagkakahalaga ng P623.3-M.
Ayon kay Presidential Spokesperson Harry Roque, napatunayan naman na nagbabayad ang national government at hindi nito tinatalikuran ang anomang obligasyon.
Kinakailangan lang umanong dumaan sa beripikasyon at dapat ay sang-ayon pa rin sa three-tiered payment scheme ng PhilHealth.
Una rito, sinabi ni Sen. Richard Gordon na hindi tumutupad sa kasunduan ang PhilHealth kung saan dapat na magbayad na ito matapos ang tatlong araw simula nang singilin.