Bibigyan ng Philippine Sports Commission ng cash incentives ang mga nanalo ng medalya sa katatapos na Asian Youth Games sa Bahrain.
Ayon kay PSC Chairman Patrick John Gregorio, ang mga gold medalists ay tatanggap ng tig-₱500,000; tig-₱300,000 ang mga silver medalists; at tig-₱100,000 naman sa mga bronze medalists.
Bukod sa cash prizes, makakatanggap ng iPhone 17 Pro Max ang bawat gold medalist, habang ang silver at bronze medalists naman ay makakatanggap ng iPhone 17 units mula sa isang online sports gaming company na may partnership sa Philippine Olympic Committee.
Nabatid na nagwagi ang Team Pilipinas ng pitong ginto, pitong pilak, at sampung tansong medalya, at nagtapos sa ika-labing-dalawang puwesto sa Asian Youth Games sa Oktubre.
—Sa panulat ni Anjo Riñon
