Ibinahagi ng aktres na si Angelica Panganiban ang ilang detalye sa pelikulang pagbibidahan kasama ang kapwa Kapamilya actress na si Angel Locsin at Richard Gutierrez.
Ayon kay Angelica, wala silang eksena ng sampalan ni Angel sa nasabing pelikula na may titulong Wife Husband Wife.
Ani Angelica, ayaw ni Angel ng sampalan scene at naging request nito para pumayag na muli silang magkasama sa pelikula.
Matatandaang nagkaroon ng ‘di pagkakaunawaan ang dalawa matapos gawin ang pelikulang One More Try noong 2012 kung saan nagkasakitan ang dalawa sa isang sampalan scene.
Matagal na ring nagkaayos ang dalawa at itinuturing na ang isa’t isa na matalik na magkaibigan.
Sa katunayan ay nag-post muli si Angelica ng larawan nila ni Angel na nagtatawanan sa loob ng kotse habang nagsho-shooting ng kanilang pelikula.
Nilagyan pa ito ni angelica ng caption na “Love You Mars” at sinabing natutuwa siyang makatrabahong muli si Angel.
