Itinanggi ng Armed Forces of the Philippines ang pahayag ni Magdalo Partylist Rep. Gary Alejano na inutusan ng Administrasyong Duterte ang militar na itigil na ang pagpapatrol sa West Philippine Sea.
Ayon kay AFP Spokesman, Col. Edgard Arevalo, walang kautusan ang kanilang commander-in-chief na si Pangulong Rodrigo Duterte kaya’t kuryenteng balita ang ibinunyag ni Alejano.
Sa katunayan anya ay nagpapatuloy lamang ang pagpapatrol nila sa karagatan at himpapawid ng West Philippine Sea.
Posible ring isa na naman itong paninira kay Pangulong Duterte na idinadamay pa ang military.
Samantala, tiniyak naman ni Arevalo sa publiko na patuloy na ginagampanan ng AFP ang kanilang mandato na protektahan ang teritoryo ng bansa.
