Nakaranas din ng pang-aapi mula sa kapwa artista si Aga Muhlach noong nagsisimula pa lamang siya sa showbiz.
Ito ay ayon mismo sa dating matinee idol na si Aga.
Sinabi ni Aga na nakita niya noon kung paano nag-iiba ang ugali ng bagong sikat na artista na aniya, parang dadaan-daanan kana lamang.
Dahil aniya dito, tumatak sa isip niya dapat maging mabait siya sa kanyang mga katrabaho kahit pa sumikat na siya.
Dagdag pa ni Aga, hindi niya aalisin ang kanyang paggalang bilang tao sa mga bago’t matagal na sa showbiz industry.
Sa tanong kung sino ang mga artistang nang-api sa kanya, aniya, wala na ang mga ito sa showbiz.
