Sumuko na sa mga militar ang walong miyembro ng New People’s Army (NPA) kabilang na ang kanilang kumander sa probinsya ng Sultan Kudarat.
Kabilang sa mga nagbalik-loob sa gobyerno ay si Kumander Simon, Commanding Officer ng Platoon Central, Guerilla Front Musa ng Far South Mindanao Region at pito pa nitong mga kasamahan.
Kasabay nito, ay isinuko din ng mga rebeldeng grupo ang dala nilang walong matataas na uri ng armas, mga bala, magasin at pampasabog.
Ayon sa mga NPA, nais na nilang mamuhay ng mapayapa dahil pagod na sila sa pakikibaka laban sa pamahalaan.
Dahil dito, makakatanggap ng tulong ang mga rebelde mula sa Provincial Government ng Sultan Kudarat.
Samantala, hinikayat naman ng 6th Infantry (kampilan) Division at 7th Infantry Battalion Philippine Army ang iba pang npa na nagtatago sa kabundukan na sumuko sa pamahalaan para sa pagkamit ng tahimik at maayos na bansa. —sa panulat ni Angelica Doctolero
