8 katao sugatan sa pagsabog ng granada sa Maguindanao

Sugatan ang walo (8) katao sa pagsabog ng granada sa isang mosque o masjid sa Maguindanao.

Kabilang sa mga nasugatan si dating Talayan Mayor Daru Ali Midtimbang at anak nitong si Talayan Vice Mayor Nathaniel Midtimbang.

Ayon kay Maguindanao Police Provincial Director Senior Superintendent Agustin Tello, dalawang lalake ang naghagis ng granada habang papalabas ang mga biktima sa golden mosque sa Barangay Poblacion.

Agad na tumakas ang mga salarin sakay ng motorsiklo patungo sa liblib na lugar ng talayan.

Nagtamo naman ng sugat sa iba’t ibang bahagi ng katawan ang mga biktima na dinala sa Notre Dame Hospital sa Cotabato City.

Iniimbestigahan pa ng mga awtoridad ang pagkakakilanlan at motibo sa naturang pagpapasabog.

By   Ralph Obina

Comments

comments