Nagpositibo sa COVID-19 ang 68 Bureau of Fire Protection o BFP trainees sa lungsod ng Baguio.
Sa isang pahayag, sinabi ni Baguio City Mayor Benjamin magalong na kanya nang sinabihan si BFP Chief, General Jose Embang Jr., na suspindihin na ang training hanggang nitong Hunyo 12 pero nagpatuloy pa rin aniya ito.
Nito lamang nakaraang linggo ay sinabihan na ni magalong ang BFP at pambansang pulisya na ipatigil na ang training matapos ang lapses sa pagsunod sa umiiral na health protocols kontra COVID-19.
Sa ngayon, may 14,935 COVID-19 cases ang lungsod, kung saan 541 sa mga ito ang nananatiling aktibo.
