Sorpresang inanunsiyo sa publiko ang pagbubukas ng binansagang “Dolomite Beach” sa Baywalk sa Maynila kaninang umaga.
Bagama’t binuksan ito sa publiko, limitado lamang ang maaaring makapasok at limang minuto lang kada bisita.
Kailangan rin nakasuot ng facemask at face shield ang mga papasyal rito.
Bukod dito, ipinagbawal rin ang paglangoy sa dagat, pagdala ng pagkain at paninigarilyo.
Nakaantabay rin ang ilang tauhan ng Department of Environment and Natural Resources upang magpaalala sa publiko na sundin ang ipinapatupad na health protocols.
Samantala, hindi naman tiyak kung hanggang kailan ang pagbubukas ng naturang Dolomite Beach sa Manila Bay.