Patay ang anim katao at sugatan ang tatlong iba pa sa sagupaan ng mga armadong pamilya sa Cotabato.
Nakilala ang mga nasawi na sina Ustadz Odin Bala, Mesi Bala at King Kabambalan, pawang mga tauhan nina Kumander Kusain Akmad at Kumander Kalawan.
Patay din sina Zukarno Maguid, Lawan Lakwan at Makungan Lakman na mga tauhan naman ng isang Arlyn Matalam.
Ipinabatid ni Major Calvin Macatangay, spokesman ng 602nd Brigade ng Philippine Army na muling nagpang-abot ang pamilya Matalam at Cua sa Barangay General Luna sa Carmen, Cotabato dahil sa matagal nang iringan sa lupang kanilang sinasaka.
By Judith Larino