Aabot sa 54°C ang naitalang Heat Index o init factor sa Dagupan City, Pangasinan nitong Huwebes.
Ayon sa PAGASA, naramdaman ang init ng panahon bandang alas-2 ng hapon.
Aabot naman sa 47°C ang naitala sa Virac, Catanduanes, habang 45°C sa Aparri, Cagayan at 44°C sa CLSU Muñoz at Sangley Point, Cavite.
Ang iba pang init factor na naitala sa ilang lugar ay ang; 43°C sa Catarman, Northern Samar; Catbalogan, Eastern Samar; Dipolog City, Zamboanga del Norte; at Guiuan, Eastern Samar.
Habang 42°C ang naitala sa Butuan City, Agusan del Sur; Calapa, Oriental Mindoro; Clark Airport sa Pampanga; NAIA, Pasay City; at San Jose, Occidental Mindoro.
Patuloy naman ang paalala ng PAGASA sa publiko na mag-ingat na posibleng magdulot ng heat stroke.
