Lima katao ang sugatan sa pagsabog na naganap sa isang gusali sa Tel Aviv, Israel na nagdulot ng malaking sunog.
Matapos ang pagsabog, gumuho ang gusali at sumiklab ang apoy sa isang gusali sa Yeffet Street sa Jaffa.
Apat katao ang nilapatan ng lunas ng rumespondeng ambulansya habang isang 40-taong gulang na lalaki ang nagtamo ng matinding sunog sa kaniyang katawan.
Tuluy-tuloy pa ang rescue operations sakaling may tao pang na-trap sa gumuhong gusali na naglalaman ng construction materials.
Inaalam pa kung ano ang naging dahilan ng pagsabog.
—-
