Lima katao ang sugatan makaraang gumuho ang beam na ginagamit na biga sa ginagawang Skyway Project 3 sa Osmeña Highway, Makati City.
Kinilala ang mga nasugatan na sina Norman Nicolas, Ronald Degamo, Jerwin Deocarisa, JR Balaquidan at Guillermo Santos Jr., na pawang nagtamo ng minor injuries.
Dahil sa nasabing insidente, isinara ang magkabilang panig ng Osmeña Highway na nagdulot naman ng matinding perwisyo sa mga motorista na naipit sa traffic.
- Meann Tanbio
