Nadagdagan ng 49 na bagong kaso ang bilang ng mga Pilipinong tinamaan ng coronavirus disease 2019 (COVID-19) na nasa labas ng bansa ngayong linggo, Pebrero 7.
Ayon sa ulat ng Department of Foreign Affairs, pumalo na sa 14,469 ang kabuuang bilang ng lahat ng mga dinapuan ng naturang virus at 954 sa mga ito ay nasawi.
Habang 4,400 naman ang mga patuloy pa ring nagpapagaling at 9,115 naman sa mga ito ay nakarekober na.
Samantala, wala namang naitalang namatay dahil sa virus ngayong araw.—sa panulat ni Agustina Nolasco
