Apat na istasyon ng MRT-3 ang target ng Department of Transportation (DOTR) na gawing vaccination sites.
Sa Talk to the People ni Pangulong Rodrigo Duterte, inihayag ni Transportation Secretary Arthur Tugade na ang naturang plano ay kailangan pang aprubahan ng Department of Health (DOH).
Ayon kay Tugade, plano nilang maglagay ng mga on-site vaccination facility sa Cubao, Shaw Boulevard, Boni at Ayala stations upang mapataas ang bilang mga bakunado kontra COVID-19.
Bukod anya rito ay plano rin nilang maglagay ng vaccination sites sa mga airport at seaport.
