Patay ang 35 katao at sugatan ang 4 katao sa pagbangga ng isang bus sa isa pang sasakyan sa Saudi Arabia.
Ayon sa Saudi State Media, bumangga sa isang sasakyan malapit sa Mosque ni Propeta Mohammed sa Medina City.
Lulan ng naturang bus ang mga Asyano at Arabong pilgrims at turista.
Dinala na sa Al-Hamma Hospital ang 4 na sugatan sa naganap na insidente.
Samantala, naglunsad na ang mga otoridad ng imbestigasyon hinggil sa pagbangga ng bus.
Nangyari ang pagbangga ilang buwan matapos maaksidente ang 16 na pilgrims na papunta sa Mecca kung saan 4 dito ay namatay.
