Magsasagawa ang Department of Health (DOH) ng tatlong araw na COVID-19 vaccination drive sa Disyembre sa buong bansa.
Ito’y upang mabakunahan ng booster shot ang mga batang Pilipino.
Ayon kay Health Officer-In-Charge Maria Rosario Vergeire, prayoridad ang mga batang edad lima hanggang labing isang taong gulang at mga hindi pa nakatatanggap ng booster dose.
Makikipag-ugnayan naman ang kagawaran sa mga organisasyon at stakeholders tulad ng Chinese community, malls, fast food restaurant at private physicians upang mahikayat ang mga Pilipinong hindi pa bakunado. —sa panulat ni Jenn Patrolla
