Asahan parin ang maulap na kalangitan ngayong araw na may kalat-kalat na pag-ulan, pagkulog at pagkidlat sa Bicol region bunsod parin ng shearline.
Magiging maaliwalas ang panahon sa bahagi ng CALABARZON at MIMAROPA pero may mataas na tsansa ng thunderstorms pagsapit ng hapon at hating gabi.
Maaliwalas din ang panahon sa Metro Manila at sa nalalabing bahagi pa ng Luzon pero may posibilidad na mga isolated light rains o pag-ambon.
Makakaranas naman ng maulap na kalangitan na may mataas na tiyansa ng kalat-kalat na pag-ulan, pag-kulog at pagkidlat sa eastern section ng Visayas maging sa bahagi ng Caraga, Davao Region at Soccsksargen.
Maaliwalas naman ang panahon sa nalalabing bahagi pa ng Visayas at Mindanao pero posibleng ulanin pagsapit ng hapon at gabi dulot ng localized thunderstorm.
Agwat ng temperatura sa Metro Manila ay maglalaro sa 22°C hanggang 31°C habang sisikat naman ang haring araw mamayang 6:24 ng umaga at lulubog naman ito mamayang 5:56 ng hapon. —sa panulat ni Angelica Doctolero