Inihayag ng lokal na pamahalaan ng Quezon City na lalo pa nitong pinaigting angmga ginagawang preparasyon sa 24 na pampublikong paaralan sa kanilang lunsod na magsisilbing COVID-19 inoculation o vaccination sites.
Ayon sa Quezon City LGU, napili ang mga public schools na ito dahil sa laki ng espasyo at masisiguro din na masusunod ang mga health protocols partikular na angsocial distancing habang isinasagawa ang pagbabakuna.
Inihayag pa ng lokal na pamahalaan ng Kyusi na ang mga venue din na ito ang pinakamalapit sa kanilang mga health center at cold storage facility.
Aabot naman sa tig-22 empleyado ng lokal na pamahalaan ng kyusi ang itatalaga sa bawat vaccination site na binubuo ng mga physicians, marshals, vaccinators, counselors, at admin staff.
