Tanging ang Korte Suprema lamang ang makapipigil kay Senadora Grace Poe para tumakbo sa pagka-pangulo sa susunod na taon.
Ito ang pagtitiyak ng senadora makaraang pagtibayin ng Senate Electoral Tribunal ang nauna nitong desisyon na nagsasabing siya’y isang natural born citizen ng Pilipinas.
Inihalimbawa pa ni Poe ang kahalintulad na pangyayari sa kaniyang yumaong ama na si Fernando Poe Jr. kung saan, kinuwestyon din ang citizenship nito nang tumakbo sa pagka-pangulo noong 2004.
Ang mahalaga sa ngayon, sinabi ng senadora na hindi tatanggalin ang kaniyang pangalan sa mga balota.
By Jaymark Dagala
