Sugatan ang aabot sa 22 katao sa magkahiwalay na insidente ng pagsabog sa bayan ng Libungan, Cotabato City at Maguindanao.
Ayon kay Major Arvin Encinas, kabilang sa mga nasugatan ay walong sundalo.
Nangyari aniya ang unang pagsabog sa Sinsuat Avenue sa Cotabato City ganap na 6:00 kagabi.
Hinihinalang hinagisan ng granada ang isang army truck kaya ito sumabog.
Makalipas naman ang ilang minuto ay naganap naman ang pagsabog sa Libungan, Cotabato.
Posible umanong ang Bangsamoro Islamic Freedom Fighters ang nasa likod ng pagpapasabog.
