Arestado ang isang hinihinalang miyembro ng Abu Sayyaf Group (ASG) na may walong (8) counts ng kasong kidnapping sa ikinasang operasyon ng Philippine National Police (PNP) sa Zamboanga City.
Kinilala ng Police Regional Office – 9 (PRO-9) ang nahuling bandido na si Faizal Attong Sariul alyas ‘Ziad’, 35-anyos, residente ng Landang Laum, Sacol Island sa naturang lungsod.
Isinasailalim na si Sariul sa tactical interrogation ng mga otoridad.
Kabilang si Sariul sa mga iniuugnay sa nangyaring Golden Harvest Plantation Kidnapping sa Lantawan sa Basilan noong 2001.
Matatandaang nahuli ngayong buwan sa magkahiwalay na operasyon sa sentro ng lungsod ang tatlo (3) pang bandido na isinasangkot din sa naturang kidnapping.