Tinatayang isandaan limampung milyong pisong (P150-M) halaga ng smuggled items mula sa tatlong bansa ang nasabat ng Bureau of Customs o BOC sa Cebu City.
Ayon kay Customs Commissioner Isidro Lapeña, kabilang sa mga nasabat ay mga luxury sports utility vehicle, agricultural product at tiles na isinilid sa 160 container vans.
Sampu aniya sa mga containers na naglalaman ng high – end sports utility vehicles tulad ng Toyota Landcruiser ay nagmula sa Japan at US habang ang nalalabing container ay nagmula sa China.
Misdeclared aniya ang mga kontrabando batay sa mga dokumento habang inaalam na kung sino ang consignee ng shipment.
