Isang Briton at Filipino ang arestado dahil sa pagdadala ng mga baril na walang lisensya sa Valle Verde 5, Barangay Ugong, Pasig City.
Kinilala ang mga suspek na Briton na si Matthew George Marney at drayber nitong Pinoy na si Rommel Mañascapillo.
Ayon kay PNP – CIDG Anti – Transnational Crime Unit Head, Superintendent Roque Merdeguia Jr., narekober sa dalawa ang limang caliber 45 pistol, stun gun, mga bala at patalim.
CIDG arrests British national Matthew George Marney in Valle Verde 5 Pasig City for illegal possession of firearms @dwiz882 pic.twitter.com/msJhMqRSyx
— Jonathan Andal (@JonathanAndal_) November 24, 2017
Hindi aniya maipaliwanag ng Briton kung bakit nagmamay – ari siya ng mga nabanggit na armas.
Nakikipag – ugnayan na ang PNP – CIDG sa British embassy upang mabatid ang background ng naarestong dayuhan.
