Idaraos na bukas ang opisyal na turnover ng Autonomous Region in Muslim Mindanao (ARMM) tungong Bangsamoro Autonomous Region in Muslim Mindanao o BARMM.
Ayon kay Al-Hajj Murad Ibrahim, Chairman ng Moro Islamic Liberation Front (MILF) at Interim Chief Minister ng BARMM, gaganapin ang turnover sa lungsod ng Cotabato.
Magtatalaga rin aniya sila ng tinatayang labinlimang (15) ministro.
Kasabay nito, ipinahayag ni Ibrahim na siya ay umaasang sa darating na Marso ay mabubuo na ang lahat upang masimulan na ang inauguration.
Samantala, tiniyak naman ni Ibrahim na magbababa ng armas ang nasa labing limang libong (15,000) puwersa ng MILF.
Kasalukuyang masusing sinusuri pa ng independent decommissioning body ang proseso at paraan ng pagsusuko ng armas.
Sa pagtataya, nasa anim na libo (6,000) hanggang pitong libong (7,000) armas ang maisusuko ng organisasyon.
—-
