June 2026

Idineklara ng santo at santa ni Pope Francis ang dalawa sa tatlong batang pastol na saksi sa mga aparisyon at prediksyon ng birheng Maria, mahigit  isandaan taon na ang nakalilipas, sa Fatima, Portugal.

Libu-libong deboto ang dumagsa  para sa canonization nina Fransisco at Jacinta Marto sa Basilica ng Santuario de Fatima kung saan sila inilibing.

Dalawang malaking  larawan naman ng mga batang pastol ang isinabit sa harap ng basilica.

Taong 1919 nang pumanaw si Fransisco sa edad na siyam dahil sa influenza habang namatay si Jacinta noong sumunod na taon sa kahalintulad na sakit.

Idineklara namang “Servant of God” ang pinsan nina Marto na si Sister Lucia Dos Santos noong 2008 at naghihintay na lamang ng beatification o isang hakbang bago maging santo.

Taong 2005 nang pumanaw si sister Lucia sa edad na siyamnapu’t pito  walong dekada matapos pumasok sa convento bilang Carmelite nun.

By Drew Nacino (Photo Courtesy: AFP)

Nakatakdang mag host ng isang (1) oras na programa sa radyo si Vice President Leni Robredo.

Simula Mayo 14, magkakaroon na ng radio program si Robredo sa DZXL na pinamagatang Biserbisyong Leni simula 9:00 ng umaga.

Inaasahang tatalakayin ni Robredo sa kaniyang radio program ang iba’t ibang usapin  at mag a-alok ng legal service.

Magiging panauhin din sa radio program ni Robredo ang iba’t ibang resource persons depende sa magiging topic kada linggo.

Tatalakayin sa pilot episode ng radio program ni Robredo ang estado ng nutrisyon sa bansa gayundin ang pagdiriwang ng Mother’s Day.

By Judith Estrada – Larino

Kinasuhan na ng administratibo ng PNP-IAS o Philippine National Police – Internal Affairs Service ang apat (4) na pulis Makati at isang (1) pulis mula sa Manila Police District (MPD).

Ang mga nasabing pulis ay inaresto ng PNP Counter Intelligence Task Group sa magkahiwalay na entrapment operations.

Sinabi ni PNP-IAS Inspector General Atty. Alfegar Triambulo na target nilang makapagpalabas ng resolusyon at rekomendasyon bago matapos ang buwan ng Hunyo.

Binigyan lamang nila aniya ng isang araw para sumagot o mag sumite ng kanilang counter affidabit ang mga respondent.

Ayon kay Triambulo, matapos manumpa ang arrresting officers sa kanilang affidavit kaagad kinuha ng PNP-IAS ang investigation report mula sa arresting officers para masampahan kaagad ng kaso ang mga naturang pulis.

Kabilang sa mga nasabing pulis sina PO2 Harley Garcera, PO2 Clarence Maynes, PO1 Tim Santos, PO1 Jeffrey Caniete at ang pulis Maynila na si PO1 Efren Guitaring.

By Judith Estrada – Larino

Nilinaw ni VACC Chairman Dante Jimenez na hindi nila pinatitigil ang anti-illegal drugs campaign ng gobyernong Duterte.

Sinabi sa DWIZ ni Jimenez na ang nais lamang nila ay mapanagot ang mga pulis na inaabuso ang nasabing kampanya sa pamamagitan nang pagtatanim ng droga gayundin ng mga armas.

Kasunod na rin ito nang naunang pagbubunyag ng VACC hinggil sa ‘tanim droga’ sa Mabalacat at Bacolor, Pampanga.

“Ang aming concern dito ay yung mga police operatives, yung mga ganung operations sa tokhang, yung mga ganung illegal drugs activities na pwede ba, ayusin nila ang kanilang hanay at yung mga kalakaran na matagal naming sinasabi na kayo’y nagpa-planting ng ebidensya, hindi lamang droga, pati baril. Itigil na yan! Dahil nakakaawa naman yung mga victims na pinaghahanapbuhay ninyo”, ani Jimenez.

Samatala, kinontra ni Jimenez ang ipinalabas na video footage ng mga otoridad kaugnay sa umano’y pagkakasangkot ng isang lalaki sa drug operations.

Ayon kay Jimenez, hindi si Engr. Wilhelmo Galura, City Engineer ng Bacolor, Pampanga ang nasa video at wala itong anumang naunang kasong may kinalaman sa iligal na droga.

Ipinabatid ni Jimenez na ilang beses niyang pinanuod partikular ng kanilang coordinator sa Region 3 na si Pyra Lucas ang nasabing video footage at ang lalaki o suspek dito ay hindi si Galura.

“Mali yun! Alam mo, video-video sila hindi si Galura yun, depensa lang nila yan. Tinignan ko ng husto, pina-replay ng pina-replay ni Pyra yan, hindi siya [Galura] yun. Ang mga ginagawa nila dyan hindi acceptable yan. Nag file na pala ang victims laban sa kanila”, pahayag ni Jimenez sa pranayama ng DWIZ.

By Judith Estrada – Larino | Sapol si Jarius Bondoc (Interview)