June 2026

Hindi sabay-sabay na nakapasok ng bansa ang umano’y walo (8) hanggang labing limang (15) dayuhang terorista na namataan sa mga lalawigan ng Lanao del Sur at Maguindanao.

Ayon ito kay Armed Forces of the Philippines o AFP Pio Col Edgard Arevalo na nagsabing halos labing limang (15) taon na ang nakakalipas nang unti-unting makapasok sa bansa partikular sa Mindanao ang mga nasabing foreign terrorist na nagsasanay sa mga lokal na terorista.

“Yan pong bilang na yan ay kung baga was tallied overtime, nag umpisa po yan panahon pa noon ng Jemaah Islamiah nina Osama Bin Laden around early 2000, may pumapasok po dito at kinukokop po ng mga locals, subalit ang maganda ho na puntohin dyan ay hindi po yan nangyari overtime and a lot of them was neutralized by our Armed Forces of the Philippines”, ani Arevalo.

Tiniyak ni Arevalo ang patuloy na operasyon laban sa mga nasabing terorista at marami sa mga ito ay nasawi na sa kanilang mga pagkilos.

“Patuloy po ang ating kina-conduct na focus military operations at so far masasabi po natin na very successful ito. May mga balita po tayo, ito pong intelligence reports na marami na po tayong nano-neutralized sa kanila but assure that on their nature of their tradition and customs is immediately ginagawan nila ng paraan na mailibing nila kaagad yan and that a quiet challenge on our part hindi po natin, hindi ginugusto natin na meron po tayong body count but there are a lot of way of monitoring, and determining, and validating information with regards with their number of casualties”, pahayag ni Arevalo sa panayam ng DWIZ.

By Judith Estrada – Larino | Sapol si Jarius Bondoc (Interview)

Wala sa kamay ng Department of Justice o DOJ ang paglilipat ng custody ni Janet Lim Napoles mula sa Correctional for Women dahil sa umano’y banta sa buhay nito.

Sinabi sa DWIZ ni Justice Secretary Vitaliano Aguirre na ang tatlong (3) division ng Sandiganbayan kung saan may nakabinbing kaso si Napoles ang dapat magpalabas ng kautusan kung saan ito dapat ikulong.

Ayon kay Aguirre, hinihiling ng kampo ni Napoles na mailipat sa National Bureau of Investigation o NBI ang custody nito subalit kailangan pa aniya ng basbas dito ng Sandiganbayan.

“Ang ginawa ni Atty. Stephen [abogado ni Napoles] nag file ata siya ng motion asking for the transfer. Reasons are the threat to life saka yung mas magandang mas malapit sa DOJ kung kinakailangan siya para ma-less din ang kanyang security so yung tatlong yun yung I think sila ang mag-o-order kung saan dapat ikulong si Janet. Ang sabi ko, NBI is available but hindi naman kinakailangan sa NBI eh, as long as the detention ng PNP or ng DILG at saka CIDG, pu-pwede rin”, ani Aguirre.

Aguirre hindi pa nakakausap ng personal si Napoles

Hindi pa nakakausap ng personal ni Justice Secretary Vitaliano Aguirre si Janet Lim Napoles.

Ayon kay Aguirre, tanging ang abogado ni Napoles na si Atty. Stephen David at dating Manila Councilor Greco Belgica ang nakausap niya kaugnay sa kaso ni Napoles.

Sinabi sa DWIZ ni Aguirre na noon pa man ay ipinapaabot na sa kaniya ng kampo ni Napoles ang kahandaang mag tell all ito sa usapin ng PDAF scam kasabay ang kahilingang mailipat ito ng kulungan mula sa Correctional for Women dahil sa panganib sa buhay nito.

“Noon pa man ay nagsasabi sila sa akin na gusto nilang sabihin ‘tell all’ ni Ginang Napoles ang yang tungkol sa PDAF anomaly and nag re-request lamang na mailipat siya ng kulungan sapagkat nanganganib ang kanyang buhay sa Correctional for Women”, pahayag ni Aguirre sa panayam ng DWIZ.

By Judith Estrada – Larino | Sapol si Jarius Bondoc (Interview)

Idinepensa ni Philippine National Police o PNP Chief Director General Ronald ‘Bato’ Dela Rosa ang pag relieve sa puwesto ng mga Chief of Police gayundin ang hindi pagsibak kay Manila Police District (MPD) Director Senior Superintendent Joel Coronel.

Ayon kay Dela Rosa, magkaiba ang sitwasyon at mga insidenteng nangyari sa pagsalakay ng National People’s Army (NPA) at pagsabog sa Quiapo, Maynila.

Sinabi ni Dela Rosa na sa panig ni Coronel, nakita niyang ginawa nito ang lahat para maka-responde sa nasabing pagsabog samantala nagpabaya ang mga pulis nila sa ilang lalawigan kaya’t nakalusot sa pagsalakay ang NPA.

Bato kumbinsidong may kinalaman sa personal na away ang nangyaring kambal na pagsabog sa Quiapo, Maynila

Hindi kumbinsido si PNP Chief Director General Ronald Dela Rosa na walang kinalaman sa personal na away ang nangyaring kambal na pagsabog sa Quiapo, Maynila noong isang linggo.

Sinabi ni Dela Rosa na hindi ipapangalan kay Atty. Nasser Abinal ang package na may lamang pampasabog kung hindi siya ang target nito.

Ayon kay Dela Rosa, kung terorista ang nasa likod ng nasabing pagsabog dapat ay inilagay ito sa isang lugar kung saan marami ang casualties at hindi ipapadala sa isang indibidwal lamang.

Una nang itinanggi ni Abinal na may indibidwal na galit sa kaniya kaya’t naniniwala itong terorismo ang nangyaring pagsabog.

Sitwasyon sa Quiapo, Maynila balik normal na

Balik na sa normal ang sitwasyon sa Quiapo, Maynila, isang linggo matapos ang nangyaring kambal na pagsabog na ikinasawi ng dalawa (2) katao.

Ayon sa Philippine National Police o PNP, nagsimula nang magbukas ng kanilang mga pwesto ang mga negosyante sa mga lugar na malapit sa pinangyarihan ng pagsabog.

Para di na maulit ang nangyari, dinagdagan na ng PNP ang mga pulis na maglilibot sa paligid ng simbahan ng Quiapo.

Tiniyak din ng mga residente sa Quiapo na agad makikipagtulungan sa PNP sa oras na may kahina-hinalang bagay o tao sa kanilang lugar.

By Judith Estrada – Larino / Ralph Obina