June 2026

Welcome kay PNP Chief Director General Ronald ‘Bato’ Dela Rosa ang inaasahang paghirang kay Armed Forces of the Philippines o AFP Chief of Staff Eduardo Año bilang kalihim ng Department of Interior and Local Government (DILG).

Ayon kay Dela Rosa, naniniwala syang malaki ang maitutulong ni Año lalo na pagdating sa pagdidisplina sa mga pulis.

Aniya, kilala niya ang heneral na may matinding dedikasyon sa trabaho, competency at disiplina.

Sinabi pa ni Dela Rosa na kumpyansa syang malaki rin ang maitutulong ni Año bilang isang military man sa kampanya ng gobyerno kontra iligal na droga.

Isang police official nakiusap na suportahan sa halip na batikusin ang mga naitalagang dating heneral

Nakiusap ang isang police official na suportahan sa halip na batikusin ang pagtatalaga ni Pangulong Rodrigo Duterte sa mga dating heneral sa gabinete nito.

Ayon kay Northern Police District Director Police Chief Supt. Roberto Fajardo, walang dapat na ikagalit ang makakaliwang grupo at mga taga suporta nito sa mga heneral na nakapasok sa gobyerno.

Aniya, mayroon din namang mga cabinet members na nagmula sa makakaliwang grupo ngunit hindi naman tumutol ang militar.

Matatandaang inihayag ng Pangulo na itatalaga nya si AFP Chief of Staff Eduardo Año bilang kalihim ng Department of Interior and Local Government kasunod ng pagtatalaga nito kay bagong Department of Environment and Natural Resources o DENR Secretary Roy Cimatu.

By Rianne Briones

Naniniwala si Senador Antonio Trillanes na gagamitin lamang ng gobyerno si Pork Barrel Queen Janet Lim-Napoles laban sa mga miyembro ng oposisyon.

Kasunod ito ng pahayag ni Department of Justice o DOJ Secretary Vitaliano Aguirre na pinag-aaralan nang kuning state witness si Napoles dahil sa mga nalalaman nito.

Ayon kay Trillanes, hindi malayong maging scripted na naman ang gagawing imbestigasyon ng Department of Justice kay Napoles tulad ng ginawa sa mga Bilibid convicts na ginamit naman kay Senador Leila De Lima.

Umaasa naman si Trillanes na hindi magbubulagbulagan ang taumabayan sa ginagawang pang ha – harass ng DOJ sa mga sumasalungat at kritiko ng administrasyon.

Ombudsman Special Prosecutors hindi payag sa plano ng kampo ni Napoles na ilipat ito sa kutodiya ng NBI

Hindi papayag ang Ombudsman Special Prosecutors sa plano ng kampo ni Pork Barrel Queen Janet Lim-Napoles na ilipat ito sa NBI detention facility.

Ayon sa Prosekusyon, haharangin nila sa Sandiganbayan ang hirit ni Napoles na mailipat mula sa Correctional Institution for Women sa Mandaluyong City.

Iginiit nitong dapat sa Camp Bagong Diwa sa Taguig City maipit si napoles tulad ng dating commitment order na inilabas ng Korte bago pa ito nahatulan sa Makati RTC.

Una nang tinukoy ni Atty. Stephen David, abogado ni Napoles, na matindi ang banta ng seguridad sa  kanyang kliyente kaya hindi ito maaaring isama sa iba pang bilanggo sa Camp Bagong Diwa.

By Rianne Briones

Iginiit ni dating Pangulong Noynoy Aquino na walang probable cause para siya ay kasuhan kaugnay ng kontrobersiyal na DAP o Disbursement Acceleration Program.

Binigyang diin ni Aquino na ginampanan lamang niya ang core executive functions niya bilang Pangulo at hindi niya sinapawan ang kapangyarihan ng kongreso.

Bukod dito, wala niyang dahilan para sya ay kasuhan ng technical malversation dahil wala naman siyang direktang kustodiya sa kaban ng bayan.

Dahil hindi naman aniya maituturing na direktang paggasta ang paglalabas ng budget circulars at memoranda.

Sinabi pa ni Aquino na hindi rin sya dapat na makasuhan ng graft dahil ipinatupad niya ang DAP sa paglalayong mapabilis ang mga infrastructure spending para makatulong sa ekonomiya ng bansa.

Una rito ay ipinahayag ni Justice Secretary Vitaliano Aguirre ang planong muling buksan ang imbestigasyon ng DAP at PDAF o Priority Development Assistance Fund.

By Rianne Briones

Patay ang tatlong (3) bata habang sugatan ang labing tatlong (13) iba pa matapos na mahulog sa bangin ang sinasakyang Isuzu Ford Fiera sa Buguias, Benguet noong Biyernes, Mayo 12.

Kinilala ng mga otoridad ang nasawi na sina Leo Adel Tullabang – 9 na taong gulang, Jay – Ar Adel Tullabang 10 taong gulang at Fred Elmer Quinio Bagni – 14 na taong gulang.

Idineklarang dead on arrival ang mga biktima sa Luhteran Hospital sa Abatan, Benguet.

Nakasakay ang mga biktima sa ibabaw ng bubong habang puno naman ng gulay ang loob ng sasakyan na ide – deliver sana sa bayan ng La Trinidad.

Batay sa salaysay ng drayber, nawalan sya ng kontrol sa pagliko sa kurbadang daan sa gilid ng bundok.

Habang ang iba naman ay nagpapagaling pa rin sa Luis Hora Memorial Regional Hospital.

By Rianne Briones