Sinuyod ng Armed Forces of the Philippines o AFP ang Pangangan Island sa Calape, Bohol matapos na mamataan ang dalawang (2) hinihinalang miyembro ng Abu Sayyaf Group (ASG).
Ito ay matapos na makatanggap ng ulat mula sa ilang residente na nakakita sila ng mga kahina – hinalang tao sa isla.
May mga pagkakakataon pa umano na kumatok ang mga ito sa kabahayan para manghingi ng pagkain.
Partikular sa iniikutan ng mga miyemro ng Philippine Navy ay limang (5) ektaryang taniman ng bakawan dahil dito hinihinalang nagkukubli ang mga miyemrbo ng ASG.
Base sa paglalarawan ng ilang residente, ang isa sa mga Abu Sayyaf ay medyo kalbo habang ang isa pa ang naka – tsinelas at nakabalot ang ulo ng t-shirt.
Bago ito, napatay ang hindi bababa sa dalawampung (20) miyembro ng Abu Sayyaf matapos na maglunsad ng pag – atake ang militar sa kampo ng mga bandido sa Sumisip, Basilan.
By Rianne Briones
