Puslit o smuggled umanong maituturing ang COVID-19 vaccine na itinurok sa ilang miyembro ng Presidential Security Group (PSG).
Ito’y ayon kay Defense Secretary Delfin Lorenzana dahil hindi aprubado ng Food and Drug Administration ang naturang bakuna.
Kailangan aniya magpaliwanag ng PSG kung bakit sila pumayag na magpabakuna kahit pa sinasabi ng mga ito na para rin iyon sa proteksyon ni Pangulong Rodrigo Duterte.
Gayunman nilinaw ni Lorenzana na hindi naman maituturing na “breach of security” ang ginawa ng PSG dahil sa mabuti naman umano ang layunin ng mga ito.
