LATEST NEWS

Monthly Archives

June 2026

Pres. Duterte hindi nakadalo sa opening ng Belt and Road Forum sa China

written by DWIZ 882

Nabigo si Pangulong Rodrigo Duterte na makadalo sa opening ceremony ng BRF o Belt and Road Forum sa Beijing, China.

Sa kabila nito, present naman ang top leaders ng iba’t ibang bansa para sa 2-day forum.

Pinangunahan ni Chinese President Xi Jinping ang opening ceremony ng BRF.

Iginiit ni Xi na handa ang China na ibahagi ang ‘practices of development’ nito, pero wala raw intensyon na maki-alam sa internal affairs ng ibang mga bansa.

Naglahad din ng kanyang talumpati si Russian President Vladimir Putin kung saan pinuri nito ang large-scale initiative ng China.

By: Meann Tanbio

May 14, 2017 0 comment

Pasig Taguig at Pateros makakaranas ng water interruption

written by DWIZ 882

Pinayuhan na ng Manila Water ang mga taga Pasig, Taguig at Pateros na mag-imbak na ng tubig.

Ito ay dahil sa mararanasang water interruption simula bukas hanggang Martes, Mayo 16.

Paliwanag ng Manila Water, sisimulan na bukas ang unang bahagi ng pagpapalit ng mga tubo at relocation works sa Parian Creek sa barangay Kapasigan, Pasig City.

Tinatayang nasa 35,000 kabahayan ang maaapektuhan ng naturang water service interruption mula alas 8:00 ng gabi bukas hanggang alas 6:00 ng umaga ng Martes.

By: Meann Tanbio / Ralph Obina

May 14, 2017 0 comment

PNP Chief umapela sa Filipino Community sa Hong Kong

written by DWIZ 882

Umapela si PNP Chief Ronald Bato Dela Rosa sa Filipino Community sa Hong Kong na huwag maniwala sa mga negatibong balita kaugnay ng war on drugs ng pamahalaan.

Ayon kay Dela Rosa, may ilang mamamayan aniya ang ayaw ng pagbabago kayat patuloy sa pagpapakalat ng masasamang balita laban sa kampanya kontra droga ng administrasyong Duterte.

Hinikayat din ng liderato ng PNP ang mga Pinoy sa Hong Kong na bumalik sa bansa upang sila mismo aniya ang sumaksi sa positibong nangyayari sa komunidad.

Matatandaang isa si Dela Rosa sa mga opisyal ng pamahalaan na kasama sa delegasyon ng Pangulo sa pagbisita sa Cambodia, Hong Kong at China.

By: Meann Tanbio / Ralph Obina

May 14, 2017 0 comment

Lanao Del Sur nakaranas na magkasunod na lindol

written by DWIZ 882

Dalawang beses niyanig ng lindol ang Lanao Del Sur ngayong araw.

Ayon sa PHIVOLCS, unang naitala ang pagyanig dakong alas 2:00 ng madaling araw na may lakas na magnitude 3.5

Natukoy ang sentro ng lindol sa layaong 25 kilometro Timog Kanluran ng bayan ng Wao.

Tectonic ang pinagmulan ng pagyanig at may lalim na 11 kilometro.

Alas 6:26 naman kaninang umaga nang maitala ang ikalawang pagyanig na may lakas na magnitude 3.3

Natukoy naman ang epicenter ng lindol sa layong 29 na kilometro Timog Kanluran ng Wao.

Wala namang napa-ulat na napinsala sa naturang pagyanig at wala ring inaasahan ang PHIVOLCS na mga aftershocks.

By: Meann Tanbio / Ralph Obina

May 14, 2017 0 comment

Presyo ng mga bulaklak nagmahal ngayong Mother’s Day

written by DWIZ 882

Bahagyang tumaas ang presyo ng mga bulaklak sa Dangwa, Maynila ngayong Mothers Day.

Bunsod ng okasyong ito, nasa 100 piso na ang kada tangkay ng pulang Rosas.

Ang bungkos o bundle naman ng pulang Rosas ay mabibili ngayon sa 300 Piso.

Para naman sa isandosenang puylang Rosas na may kasama nang arranement ay papalo naman ngayon sa 1200 piso.

Ang Stargazer naman ay mabibili sa halagang 150 Piso habang ang kada bungkos naman ng Carnation at Gerbera ay nasa 200 Piso.

Ang flower boquet naman ay naglalaro sa 400 hanggang 700 piso.

Inaasahan namang bukas ay babalik na sa normal ang presyo ng mga bulaklak.

By: Meann Tanbio / Ralph Obina

May 14, 2017 0 comment

Brigada Eskwela ng DepEd kasado na bukas

written by DWIZ 882

Kasado na ang Brigada Eskwela ng Department of Education bukas, Mayo 15.

Ilalarga ang kick off ceremony ng Brigada Eskwela sa Cebu City na may temang “Isang Deped, isang Pamayanan, isang Bayanihan para sa handa at ligtas na paaralan”.

Layon ng brigada eskwela na maihanda ang mga paaralan para sa pasukan sa Hunyo.

Kaugnay nito, patuloy na nananawagan ang Deped sa mga magulang, estudyante, mga guro at iba pa na makiisa sa taunang Brigada Eskwela.

By: Meann Tanbio / Ralph Obina

May 14, 2017 0 comment

TV reporter biktima ng Basag Kotse Gang sa QC

written by DWIZ 882

Isang tv reporter ang nabiktima ng “basag-kotse gang” sa Kamuning Road sa Quezon City kagabi.

Ayon sa biktimang si Steve Dailisan, pinarada niya ang kanyang Mitsubishi Montero sa tapat ng Dr. Jesus Delgado Memorial Hospital Pasado Alas-9:00 kagabi dahil may dadalawin siya doon.

Wala pa aniyang 30 minuto, tinawag siya ng guwardiya ng ospital dahil napansin nitong basag na ang salamin ng kanyang sasakyan.

Natangay ng mga suspek ang isang bag na may lamang laptop, isang gym bag, hard drive at iba pang gadgets, at pera.

Tinatayang aabot sa mahigit P200,000 ang halaga ng mga gamit na natangay mula kay Dailisan.

By: Meann Tanbio

May 14, 2017 0 comment

Presyo ng gasolina asahang tataas ngayong lingo

written by DWIZ 882

Matapos ang serye ng rollback, asahan na ang pagmahal sa presyo ng gasolina sa loob ng linggong ito.

Tinatayang maglalaro sa 25 hanggang 35 sentimos ang umento sa kada litro ng gasolina.

Wala namang paggalaw sa presyo ng diesel at kerosene.

Ang naturang oil price adjustment ay bunsod ng paggalaw ng presyo ng langis sa world market.

By: Meann Tanbio

May 14, 2017 0 comment

INTERNATIONAL NEWS

North Korea muling nagsagawa ng missile testing

written by DWIZ 882

foreign

Muling naglunsad ang North Korea ng ballistic missile.

Ayon sa U.S. Pacific command, inilunsad ang naturang missile malapit sa Kusong City, sa North Pyongan Province.

Isinagawa ang naturang missile launch, ilang araw lang matapos ang paghahalal ng bagong Pangulo ng South Korea at ang war games sa pagitan ng Japan, US at European militaries.

Patuloy pang inaalam ng South Korea at U.S. ang detalye ng paglulunsad ng North Korea ng nasabing ballistic missile.

Kinondena naman ni Japanese Prime Minister Shinzo Abe ang panibagong pagpapakawala ng Nokor ng ballistic missile.

By: Meann Tanbio

May 14, 2017 0 comment

Mga University officials nanawagan sa mga Senador ibasura ang Death Penalty

written by DWIZ 882

Hinikayat ng mga lider ng mga unibersidad ang mga Senador na huwag bumoto pabor sa Death Penalty bill.

Anim na argumento ang ibinigay ng mga lider ng Assumption College, Ateneo De Manila University, Ateneo De Cagayan, De La Salle University, De La Salle Philippines, San Beda College, St. Scholastica’s College, University of the Philippines Diliman at Manila, University of Santo Tomas at Xavier School,kung bakit hindi dapat muling buhayin ang parusang kamatayan.

Ito’y dahil ang death penalty ay anti-poor, lumalabag sa international commitments ng bansa, hindi pa ito napapatunayang sagot para bumaba ang bilang ng krimen, hindi ito magbibigay ng hustisya at higit sa lahat, labag ito sa karapatang mabuhay.

Inaasahang didingin ng Senate Committee on Justice ang panukala ngayong buwan.

By: Meann Tanbio

May 14, 2017 0 comment

Newer Posts

Older Posts