June 2026

Normal ang  sitwasyon  at  tuloy  ang  pagdagsa  ng  mga  turista  sa  Puerto Princesa  Palawan sa  kabila  ng  travel advisory na  inilabas  ng  Estados Unidos  at  United  Kingdom.

Sinabi sa  DWIZ  ni  Pol. Supt. Silverio Bacsa, deputy  director  for  operations  ng Puerto Princesa  Police Office,   business  as  usual ang  takbo   ng  buhay  ng  mga  taga-lungsod.

Nagpulong  aniya  ang  mga  resort   at  hotel owners kasama  ang  PNP ,  Western   Command at  local government  units at  pinaigting  ang  police  visibility sa  mga  lugar  na  malimit  puntahan ng  mga  turista.

Tiniyak  ni Col. Bacsa  na  ligtas  puntahan at  pasyalan ang  Puerto Princesa sa  kabila  ng  abiso ng   U.S. at  United  Kingdom na  may tangka  ang Abu Sayyaf  na  mangidnap ng  mga  dayuhang  turista.

Pakingan: Bahagi ng panayam kay Pol. Supt. Silverio Bacsa

Pagbabantay ng AFP at PNP sa Palawan mahigpit pa rin

Mahigpit  ang   cordon  ng  Armed  Forces  of the Philippines  at  philippine  national police  sa  karagatang nakapaligid sa  Puerto Princesa  para  hadlangan ang   posibleng  pagsalakay  ng  bandidong  Abu Sayyaf.

Kasunod  ito ng  intelligence  report  ng  Estados Unidos  na  tangka  umanong  mangidnap ng  mga  turista  ang  mga  bandido  sa  Palawan.

Sinabi sa  DWIZ  ni Pol. Supt.  Silverio Bacsa, deputy director  for  operations ng Puerto Princesa  Police  Office na  nakahanda ang  PNP at AFP at  maging  ang  Coast  Guard para   hindi makapuslit  ang   mga  bandido.

Bukod sa  mga  barko  ng  Western Command  at  Philippiine  Coast Guard  at  mayroon ding  naka-standby  na  choppers  ang  Philippine  Airforce  para  mabantayan ang  Puerto Princesa at   El Nido sa  Palawan.

Pakingan: Bahagi ng panayam kay Pol. Supt. Silverio Bacsa

By: Aileen Taliping

Hindi nakaligtas ang mga multo sa Malacañang sa  pagbibida ni  Pangulong  Rodrigo  Duterte  nang  humarap  sa mga Overseas Filipino Workers sa Hongkong.

Sa kanyang pagsasalita sa Filipino Community sa Hongkong, sinabi ng Pangulo na bastos ang mga multo sa Palasyo dahil walang pinipiling oras kung magpakita ang mga ito.

Kahit aniya tanghaling tapat ay nagpapakita ang nga “mumu”sa Malacañang, partikular si Mr. Brown.

Si Mr. Brown ay isang Amerikanong opisyal na matagal namalagi sa Malacañang noong panahon ng pananakop ng Amerika sa Pilipinas.

Sinabi ng Pangulo na maliit lamang ang opisina nito sa Malacañang at hindi siya nagtatagal sa kanyang kuwarto maliban kapag pumipirma ng mga dokumento.

Bukod sa multo sa Palasyo, ikinuwento rin ng Pangulo ang mga malilikot na dagang nagtatakbuhan sa kisame ng palasyo na aniya ay “alaga”  ng  Presidential Security Group dahil nasa  likod  lamang  ng  palasyo ang  kanilang  barracks.

By: Aileen Taliping

Pinagaan ang  proseso ng mga magtatrabaho sa ibang bansa makaraang ihayag ni Pangulong Rodrigo Duterte sa mga Overseas Filipino Workers sa Hongkong na aalisin na ang requirement na Overseas Employment Certificate .

Bago magtapos ang talumpati nito sa Filipino Community sa Hongkong kagabi ay ipinaalala sa kanya ni Labor Secretary Silvestre Bello III ang pag-aalis sa OEC.

Isang paraan aniya ito para mapagaan ang proseo ng mga Pilipinong nangingibang bansa para magtrabaho.

Batid ng Pangulo na maraming hinihingi ang mga ahensiya ng gobyerno na mga requirements kayat inatasan nito ang DOLE na gawing simple ang proseso para hindi mahirapan ang mga OFWS.

Kasabay nito nangako si Pangulong Duterte sa mga OFWS na bigyan siya ng tatlong taon para maiayos ang bansa kasabay ang pagtiyak na hindi niya papayagang mamayagpag ang katiwalian sa kanyang administrasyon.

By: Aileen Taliping