Monthly Archives

June 2026

Constitutional crisis ibinabala kung haharangin ang mga proyekto ng gobyerno

May 15, 2017 0 comment

PH nanganganib malubog sa utang dahil sa Dutertenomics

May 15, 2017 0 comment

Tensyon sa Korean peninsula ibinabala ng Russia at China

May 15, 2017 0 comment

3rd win sa nagpapatuloy na SEABA Championship nasungkit ng Gilas Pilipinas

May 15, 2017 0 comment

NBI pinakilos para palakasin ang cyber security measures ng bansa

“Ransomware”

May 15, 2017 0 comment

52% ng Pinoy tiwalang matutupad ang mga pangako ng Pangulo

May 15, 2017 0 comment

Miyembro ng Abu Sayyaf timbog sa Tawi-Tawi

May 15, 2017 0 comment

Ex-Transportation Secretary Abaya haharap sa MRT senate hearing

May 15, 2017 0 comment

Birthday message ni Kris Aquino sa dating karelasyon alamin

May 15, 2017 0 comment

Megastar Sharon Cuneta nagsalita na hinggil sa relasyon sa asawa

By: Meann Tanbio

May 14, 2017 0 comment

June 2026

Nagbabala ang Pangulong Rodrigo Duterte sa Hudikatura na huwag i-delay ang implementasyon ng mga proyekto ng gobyerno.

Ayon sa Pangulo, mapipilitan syang hindi sundin ang anumang kautusan ng korte kung magiging dahilan ito para maipagpaliban ang mga proyekto.

Aniya, magiging kalakalaran kasi ng mga natatalong mayayaman at natatalong bidder na humirit ng TRO o Temporary Restraining Order na magiging hadlang naman sa pagpapatuloy ng mga government project.

Kung ipipilit ng korte ay mapipilitan syang turuan ang mga pulis at sheriff na huwag sumunod sa utos ng korte.

Samantala, nagbabala naman ang pangulo ng constitutional crisis sakaling hadlangan ng korte ang pagbawi ng gobyerno sa pag-aari nito mula sa Makati.

By Rianne Briones

Nagbabala ang isang international economic analyst na maaaring malubog sa utang ang Pilipinas dahil sa 8.2 trilyong pisong ‘Dutertenomics’.

Sa pamamagitan ng kanyang artikulo sa Forbes Magazine, sinabi ni Anders Corr na maaaring malagay ang Pilipinas sa tinatawag na virtual debt bondage kung itutuloy nito ang naturang mga proyekto.

Aniya,pinakamakikinabang dito ay ang China na siyang inaasahang panggagalingan ng pinakamalaking pondong gugugulin sa infrastracture project ng gobyerno.

Mula sa 123 bilyong dolyar na utang ng gobyerno ngayon ay maaari itong lumobo sa 290 bilyong dolyar hindi pa kasama ang interes na ipapataw dito.

Sa pagtataya ni Corr, sa sampung (10) posyentong interes rate na ipapataw ay posibleng umabot pa sa 452 bilyong dolyar sa paglipas ng panahon bukod pa ang iba pang utang mula sa iba pang bansa.

Kaugnay nito, kailangan na maging transparent ang Duterte administration sa papasuking kasunduan sa China dahil sa malaking epekto nito sa ekonomiya ng bansa sa susunod na mga taon.

By Rianne Briones

Nababahala sina Russian President Vladimir Putin at Chinese President Xi Jinping sa tensyon sa Korean Peninsula.

Sinabi ni Kremlin Spokesman Dmitry Peskov na hinimay ng dalawang lider ang usapin kasunod na rin ito nang isinagawang ballistic missile test ng North Korea.

Kapwa nagpaabot ng kanilang concern ang dalawang kampo sa tumataas na tensyon sa peninsula at umaasang may solusyon pa hinggil dito.

By Judith Larino

Napasakamay ng Gilas Pilipinas ang ikatlong panalo matapos tambakan ang koponan ng Malaysia sa pagpapatuloy ng SEABA Championship.

Mula pa lamang sa unang quarter ay lumamang na ang Gilas sa tropa ng Malaysia hanggang maitala sa 106-51 ang final score.

Nangungunang nagpakitang Gilas sa nasabing laban si Jayson Castro na gumawa ng sampung (10) puntos.

By Judith Larino

Pinakilos na ni Justice Secretary Vitaliano Aguirre ang NBI o National Bureau of Investigation para palakasin ang cyber security measures sa gitna ng global ransomware attack nitong nakalipas na araw.

Ayon kay Aguirre, dapat matiyak na hindi mabibiktima ng cyberattack ang sistema ng bansa.

Maging ang Office of Cybercrime ng DOJ o Department of Justice ay pinakilos din ni Aguirre para malabanan ang ransomware attacks.

Kabilang sa mga apektado ng ransomware attack ang health system ng Britain, Interior Ministry ng Russia, Spanish Telecommunications Giant Telefonica at US Courier Firm FedEx.

Nagbabala ang cyber security experts na posibleng tumaas pa ang bilang ng mga biktima ng cyber attack sa iba’t ibang panig ng mundo.

Nitong weekend, sinabi ni Director Rob Wainwright ng European Police na umabot na sa dalawandaang libo (200,000) ang nabiktima ng cyber attack sa may isandaan at limampung (150) bansa.

Posible anyang tumaas ang bilang na ito lalo na ngayong weekdays na operational ang mga kumpanya at negosyo.

Ang pag-atake ay ginagawa sa pamamagitan ng pagpapakalat ng virus na tinaguriang wannacry, isang ransomware na nagpapahinto sa mga computers sa mga pagawaan ng kotse, ospital,paaralan at mga negosyo.

By Judith Larino | Len Aguirre

Mahigit kalahati ng mga Pilipino ang naniniwalang tutuparin ng Pangulong Rodrigo Duterte ang karamihan sa mga ipinangako nito.

Ito ang lumalabas sa pinakahuling survey ng Social Weather Stations o SWS na isinagawa noong March 25 hanggang 28.

Ayon sa SWS, 52% ng mga respondents ang naniniwalang tutuparin ni Duterte ang mga ipinangako noong panahon ng kampanya.

Labimpitong porsyento (17% ) sa mga ito ang naniniwalang tutuparin ng Pangulo ang lahat o halos lahat ng mga ipinangako nito at 35% naman ang nagsabing karamihan sa mga nasabing pangako ay kayang tuparin ng Pangulo.

Apatnapu’t dalawang porsyento (42%) naman ang nagsabing kaunti lamang sa mga pangako ng Pangulo ang matutupad habang limang (5) porsyento ang nagsabing wala o halos walang matutupad sa mga ipinangako ng Punong Ehekutibo.

Ang bilang ng mga nagsabing naniniwala silang matutupad ng Pangulong Duterte ang mga pangako nito ay bahagyang bumaba sa first quarter ng taong ito.

By Judith Larino

Arestado ang isang (1) miyembro umano ng Abu Sayyaf Group o ASG sa Sitangkai, Tawi-Tawi matapos ituro sa mga awtoridad ng mga mismong residente rito.

Kinilala ng Joint Task Force Tawi-Tawi Marine Battalion Landing Team 10 ang suspek na si Sahidul Bandhala Jikiri alias Idul, Jamiri Saidul, Saidul Idul at Jikiri Saidul.

Ayon kay JTF Tawi-Tawi Commander Brigadier General Custodio Parcon, nakikipagpulong ang kanilang mga tauhan sa residente ng Barangay Sipangkot nang ibunyag ng isang residente ang identity ni Jikiri.

Kaagad silang nakipag-ugnayan sa PNP o Philippine National Police at inimbitahan para sa isang interview si Jikiri na umanong ASG/KFRG member sa ilalim nina ASG/KFRG Sub Leaders Idang Susukan at Sihata Latip na nag-ooperate sa Sulu Province.

Sinabi ni Parcon na ibinunyag pa ni Jikiri ang pag-kontak sa kaniya nina ASG/KFRG Sub Leaders Abraham Hamid, Salip Susung, Nixon Mutakdil at Brown Mutakdil nang pinagpaplanuhan ang mga pagdukot at cross border seajacking na ang target karamihan ay mga dayuhan at barko.

By Judith Larino

Haharap sa Senado ngayong araw na ito si dating Transportation Secretary Joseph Emilio Abaya.

Ang pagdinig ng Senate Committee on Public Services ay kaugnay sa kontrata sa pagbili ng dagdag na coach at maintenance ng MRT o Metro Rail Transit.

Ayon kay Committee Chair Grace Poe, ang hearing ay una nang itinakda sa May 18 subalit hindi makakadalo si Abaya sa nasabing schedule kayat iniurong niya ito ngayong araw na ito.

Sinabi ni Poe na kapag hindi dumating sa hearing si Abaya, mag-iisyu siya ng subpoena laban dito.

Pagkakataon na aniya para kay Abaya ang nasabing pagdinig para maidepensa ang sarili nito kung totoo ngang wala siyang pagkukulang.

By Judith Larino

Tila hindi umano malimot-limot ni Queen of All Media Kris Aquino ang isang dating naka-relasyon at itinuturing nitong malapit na kaibigan na nagdiwang ng kaarawan nito lamang nakalipas na Mayo 12.

Hindi man pinangalanan ni Kris ang tinutukoy niya sa kanyang mensahe halos iisa lang ang huli ng netizens at ito ay si Mayor Herbert Bautista na nag-birthday noong May 12.

Sa kanyang birthday message, sinabi ni Kris na may mga taong sadyang nagiging close friends na lamang matapos subukang pumasok kapwa sa iisang relasyon.

Ibinahagi rin ni Kris sa nasabing mensahe ang mga aral na aniya’y natutunan niya sa nagiging kakaibang takbo ng kanilang relasyon.

Maliban sa pagiging mabuti sa kanya, ipinabatid ni Kris na naging daan din ang dating kasintahan para maging mas positibo ang kanyang pananaw sa buhay.

Binigyang diin pa ni Kris na kahit sandali lamang ang kanilang romantic relationship, masaya siyang napanatili nila ang kanilang pagkakaibigan sa loob ng maraming taon.

By Judith Larino

Binasag na ni Megastar Sharon Cuneta ang kanyang katahimikan matapos lumutang ang balitang “on the rocks” ang marriage nila ni Senador Kiko Pangilinan.

Sa kanyang Facebook post, itinanggi ni Sharon na may relasyon ang kanyang mister kay Senador Risa Hontiveros

Idinagdag pa ni Sharon na kung meron man o walang affair ang kanyang mister, wala siyang panahon para pag-usapan ito sa publiko.

Samantala, nag-post naman sa kanyang Twitter account si Senador Pangilinan kung saan binati nito ng Happy Mother’s Day ang misis na si Sharon.